از دفتر مشیر داخلہ و اطلاعات پنجاب عمر سرفراز چیمہ کا کہنا ہے کہ وفاق کے پاس معاملات کو الجھانے کے سوا کچھ نہیں ہے۔
پی ٹی آئی رہنما عمر سرفراز چیمہ نے زمان پارک میں میڈیا سے گفتگو کرتے ہوئے کہا کہ جے آئی ٹی کی تشکیل پر وفاقی وزارت داخلہ کا اعتراض بلاوجہ اور بلاضرورت ہے۔
‘جے آئی ٹی کے بارے میں وفاق کے اعتراض کو مسترد کرتے ہیں’
انہوں نے کہا کہ جے آئی ٹی کے بارے میں وفاق کے اعتراض کو مسترد کرتے ہیں، پنجاب حکومت نے جے آئی ٹی کی تشکیل آئین و قانون کے مطابق کی ہے۔
عمر سرفراز نے کہا کہ وفاقی حکومت نے جے آئی ٹی پر بلا جواز اعتراض اٹھائے جسے پنجاب حکومت نے مسترد کردیا، جے آئی ٹی میں وفاق کی کسی ایجنسی کا نمائندہ شامل کرنا لازم نہیں۔
‘عمران خان پر فائرنگ کے واقعے پر جے آئی ٹی نے تحقیقات کا آغاز کردیا’
انکا کہنا ہے کہ عمران خان پر فائرنگ پر واقعے پر جے آئی ٹی نے تحقیقات کا آغاز کردیا ہے، ہمیں امید ہے کہ جے آئی ٹی کے ممبران پیشہ وارانہ طریقے سے معاملے کو دیکھیں گے، تحقیقات میں جو بھی حقائق آئیں گے وہ قوم کے سامنے لائیں گے۔
پی ٹی آئی رہنما نے کہا کہ پنجاب حکومت کی توجہ عوامی مسائل اور حل پر ہے لیکن وفاقی حکومت انتقامی کارروائیوں میں مصروف ہے۔
‘وفاق میں بیٹھا ہوا ڈاکو ماحول خراب کر رہا ہے’
عمر سرفراز نے کہا کہ وفاق کے پاس معاملات کو الجھانے کے سوا کچھ نہیں ہے، وفاق میں بیٹھا ہوا ڈاکو ماحول خراب کر رہا ہے۔
انہوں نے کہا کہ ن لیگ نام نہاد سیاسی جماعت جو غلط پروپیگنڈا کر رہی ہے، ن لیگ بضد ہے کہ اور ن کے رہنما مذہبی منافرت پھیلا رہے ہیں۔
پی ٹی آئی رہنما نے مزید کہا کہ عمران خان کے بعد لوگوں کی تعداد زیادہ ہوئی ہے۔ توشہ خانہ کیس میں گھڑی کی خریداری غیر قانونی نہیں ہے، وفاقی حکومت اپنے معاملات پر نظر ہٹانے کے لیے یہ پروپیگنڈا کر رہی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News