وزیر اعلیٰ گلگت بلتستان خالد خورشید نے کہا ہے کہ وفاقی حکومت کی نااہلی کے سبب ملک تباہی کے دہانے پر کھڑا ہے۔
تفصیلات کے مطابق وزیر اعلیٰ گلگت بلتستان خالد خورشید نے اپنے ایک بیان میں کہا کہ وفاقی امپورٹڈ حکومت نے مشکل ملک معاشی حالات کا بہانہ بنا کر گلگت بلتستان کا ترقیاتی بجٹ کاٹا اور ریلیزز میں بھی تاخیر کر رہی ہے جبکہ اپنے ایم این ایز کو سیاسی رشوت کے طور اربوں روپے بانٹ رہی ہے۔
انہوں نے کہا کہ وفاقی امپورٹڈ حکومت نے اپنے ممبران کے لئے پہلے 70 ارب رکھے پھر گزشتہ ماہ ہی اس میں مزید 17 ارب کا اضافہ کرکے مختص رقم 87 ارب تک پہنچا دی تھی جبکہ اب اس میں مزید 3 ارب کا اضافہ کرکے 90 ارب کردی ہے اور اس کے برعکس وفاقی امپورٹڈ حکومت گلگت بلتستان کو گندم بحران اور لوڈ شیڈنگ سے نمنٹے کے لئے 5 ارب مہیا کرنے کو تیار نہیں ہے۔
یہ بھی پڑھیں؛ حکومت بچوں کو اعلیٰ معیاری تعلیم فراہم کرنے پر توجہ دے رہی ہے، خالد خورشید
ان کا کہنا تھا کہ گلگت بلتستان کو 4-5 ارب روپوں کی فراہمی سے صوبائی حکومت آسانی کے ساتھ صوبے کو درپیش موجودہ بجلی و گندم کے مسائل حل کرسکتی ہے۔
ان کا یہ بھی کہنا تھا کہ وفاقی امپورٹد حکومت اپنے ایم این ایز پر اربوں لٹارہی ہے مگر گلگت بلتستان کو چند ارب دینے کو تیار نہیں ہے۔
خالد خورشید نے کہا کہ وفاقی حکومت نے گلگت بلتستان کے ساتھ جو سوتیلا رویہ اپنایا ہوا ہے اس کی تاریخ میں مثال نہیں ملتی ہے۔
یہ بھی پڑھیں؛ عوام کی زندگیوں کو بہتر بنانا حکومت کا بنیادی ایجنڈا ہے، خالد خورشید
وزیر اعلیٰ گلگت بلتستان خالد خورشید نے مزید کہا کہ وفاقی حکومت کی نااہلی اور ناقص معاشی کارکردگی کے سبب ملک تباہی کے دہانے پر کھڑا ہے، جس کے اثرات گلگت بلتستان پر بھی پڑ رہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News