وزیر دفاع خواجہ آصف نے کہا ہے کہ نگران وزیراعظم کیلئے اسحاق ڈار کے نام پر اعتراضات شروع ہوگئے ہیں۔
تفصیلات کے مطابق وزیر دفاع خواجہ آصف نے پارلیمنٹ ہاؤس کےباہرمیڈیاسےگفتگو کرتے ہوئے کہا کہ اسحاق ڈارکو نگران وزیراعظم بنانے کے حوالے سے حکومت کی طرف کوئی اشارہ نہیں ہے،ایک معتبر صحافی نےخبرلیک کی ہے،اس کےعلاوہ ابھی کچھ نہیں ہے۔
انہوں نے کہا کہ اس حوالے سے ابھی کام بھی شروع نہیں ہوا اور میرے علم میں نہیں ہے، وہ میرے بھائی ہیں، میرے دوست ہیں، میرا کئی سال کا تعلق ہے جو مجھے عزیز ہے۔
وزیردفاع نے کہا کہ میری خواہش بھی ہے اگر اسحاق ڈار نگران وزیر اعظم بن سکتے ہیں تو اچھی بات ہے تاہم اسحاق ڈار کے نام پر قانونی اعتراضات شروع ہوگئے ہیں، حکمران پارٹی سے کوئی نگران وزیراعظم آئے گا تو لوگ اعتراض کریں گے۔
پارٹی قائد نواز شریف کی وطن واپسی کے حوالے سے خواجہ آصف نے کہا کہ نوازشریف ضرور وطن واپس آئیں گے، اس میں کوئی شک نہیں ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News