اسلام آباد: چیئرمین پاکستان تحریک انصاف بیرسٹر گوہر خان کی والدہ انتقال کرگئیں ہیں۔ بیرسٹر گوہر نے والدہ کے انتقال کی اطلاع دیتے ہوئے عوام اور کارکنان سے دعاؤں کی اپیل کی ہے۔
بیرسٹر گوہر نے سماجی رابطے کی ویب سائٹ ایکس پر جاری بیان میں کہا کہ انتہائی رنج و غم کے ساتھ اطلاع دی جاتی ہے کہ ان کی نہایت محترم، شفیق اور پیاری والدہ انتقال کرگئی ہیں۔
اِنَّا لِلّٰہِ وَاِنَّآ اِلَیْہِ رَاجِعُوْنَ
انتہائی رنج و غم کے ساتھ اطلاع دی جاتی ہے کہ ہماری نہایت محترم، شفیق اور پیاری والدہ انتقال فرما گئی ہیں۔
آپ سب سے دعاؤں کی اپیل ہے کہ اللہ ہماری والدہ كوجنت الفرووس میں اعلیٰ مقام عطا فرمائیں-
نماز جنازہ کل بروز ہفتہ ،8 اگست، 4.00…— Barrister Gohar Khan (@BarristerGohar) August 7, 2026
انہوں نے اپنے پیغام میں کہا کہ سب سے اپیل ہے کہ اللہ تعالیٰ ان کی والدہ کو جنت الفردوس میں اعلیٰ مقام عطا فرمائے۔
بیرسٹر گوہر کے مطابق مرحومہ کی نماز جنازہ ہفتہ 8 اگست کو سہ پہر 4 بجے ان کے آبائی گاؤں ڈگر، ضلع بونیر میں ادا کی جائے گی۔
