مکہ مکرمہ: ترکیہ کے صدر رجب طیب ارگان نے سعودی عرب، پاکستان اور ترکیہ کے درمیان طے پانے والے مکہ دفاعی معاہدے کو اجتماعی دفاع، علاقائی سلامتی اور دہشت گردی کے خلاف تعاون کے فروغ کی جانب اہم پیش رفت قرار دیا ہے۔
صدر رجب طیب اردگان نے سماجی رابطے کی ویب سائٹ ’’ایکس‘‘ پر جاری بیان میں کہا کہ وہ سعودی ولی عہد اور وزیراعظم شہزادہ محمد بن سلمان کی دعوت پر مکہ مکرمہ پہنچے، جہاں انہوں نے سعودی ولی عہد اور پاکستان کے وزیراعظم شہباز شریف سے ملاقات کی۔
Bugün Suudi Arabistan Veliaht Prensi ve Başbakanı Muhammed bin Selman’ın nazik davetine icabetle Mekke-i Mükerreme’ye bir ziyaret gerçekleştirdik.
Ziyaretimde aziz kardeşlerim Suudi Arabistan Veliaht Prensi ve Başbakanı Muhammed bin Selman ve Pakistan Başbakanı Şahbaz Şerif’le…
— Recep Tayyip Erdoğan (@RTErdogan) August 7, 2026
انہوں نے بتایا کہ ملاقات کے دوران تینوں رہنماؤں نے مشترکہ دفاعی معاہدے پر دستخط کیے جو دفاعی اور سیکیورٹی تعاون کو مزید مضبوط بنانے، دفاعی صنعت میں مشترکہ منصوبوں کے فروغ اور دہشت گردی کے خلاف مؤثر تعاون میں اہم کردار ادا کرے گا۔
ترک صدر کا کہنا تھا کہ یہ معاہدہ اقوام متحدہ کے منشور کے آرٹیکل 51 میں تسلیم شدہ حقِ دفاع کی بھی توثیق کرتا ہے۔ انہوں نے واضح کیا کہ اس معاہدے کا مقصد کسی ملک کو نشانہ بنانا نہیں بلکہ خطے میں امن، استحکام اور خوشحالی کے فروغ کے لیے برادر ممالک کے درمیان تعاون کو وسعت دینا ہے۔
رجب طیب ارگان نے مزید کہا کہ ترکیہ تنازعات اور بحرانوں کے حل کے لیے بات چیت اور سفارت کاری کے اصولی مؤقف پر قائم رہے گا۔
انہوں نے دعا کی کہ مکہ مکرمہ کا یہ دورہ اور آج طے پانے والا معاہدہ پورے خطے کے لیے خیر، برکت، امن اور استحکام کا ذریعہ ثابت ہو۔
