آزاد کشمیر کے انتخابات کے تیسرے مرحلے میں ضلع باغ کے دو حلقوں کے 23 پولنگ اسٹیشنز پر دوبارہ پولنگ کا عمل جاری ہے۔
الیکشن کمیشن کے مطابق ری پولنگ ایل اے 15 باغ 2 کے 9 جبکہ ایل اے 16 باغ 3 کے 14 پولنگ اسٹیشنز پر ہورہی ہے۔ پولنگ کا عمل صبح 8 بجے شروع ہوا جو شام 5 بجے تک جاری رہے گا۔
ایل اے 16 کے 14 پولنگ اسٹیشنز میں مجموعی طور پر 7 ہزار 4 ووٹرز اپنا حق رائے دہی استعمال کریں گے جبکہ ایل اے 15 کے 9 پولنگ اسٹیشنز پر ووٹرز کی تعداد 5 ہزار ہے۔
اس کے علاوہ ری پولنگ کے دوران سیکیورٹی کے سخت انتظامات بھی کیے گئے ہیں۔
واضح رہے کہ دونوں حلقوں میں 10 اگست کو انتخابی عملہ پولنگ اسٹیشنز پر نہ پہنچنے اور کشیدہ صورتحال کے باعث پولنگ ملتوی کردی گئی تھی۔
