قائد اعظم ٹرافی میں سندھ کی کپتانی کرنے والے 34 سالہ اسد شفیق نے کیرئیر کے 273 ویں اننگزمیں دس ہزار رنز کا سنگ میل عبور کیا۔
تفصیلات کے مطابق اسد شفیق فرسٹ کلاس کرکٹ میں دس ہزار رنز بنانے والے 53 ویں پاکستانی بیٹسمین بن گئے ہیں۔
اسد شفیق نے 10-2009 کے سیزن میں 4 سنچریوں کی مدد سے 1244 رنز سکور کیے تھے جس نے ان کی قومی ٹیم میں اینٹری کی راہ ہموار کی۔
انہوں نے نومبر 2010 سے اب تک پاکستان کے لیے 77 ٹیسٹ میچز میں 38.19 کی اوسط سے 4660 رنز بنائے، جن میں 12 سنچریاں اور 27 نصف سنچریاں شامل تھیں۔
سندھ کے کپتان نے قائداعظم ٹرافی کے رواں سیزن میں اب تک 10 میچز میں 51.53 کی اوسط سے 670 رنز سکور کررکھے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News