کیا واقعی پاکستان کی قومی کرکٹ ٹیم کے کپتان بابر اعظم نے منگنی کرلی ہے؟ گزشتہ چند روز سے سوشل میڈیا پر ایک خبر گردش کررہی ہے کہ بابر اعظم نے اپنے چچا کی بیٹی سے منگنی کرلی ہے۔

قومی کرکٹ ٹیم کے کپتان بابر اعظم کی جانب سے اب تک منگنی کی خبروں پر کوئی تصدیق یا تردید سامنے نہیں آئی ہے۔

بابر اعظم کی منگنی کی خبر سوشل میڈیا پر آنے کے بعد سے صارفین اور شائقین کرکٹ کی جانب سے مختلف مزاحیہ تبصرے کیے جارہے ہیں۔

ایک نجی ٹی وی نے یہ خبر بریک کی تھی، انہوں نے ذرائع کا حوالہ دیتے ہوئے کہا تھا کہ دونوں خاندانوں کے مابین شادی کے معاملات طے ہوگئے ہیں اور اگلے برس بابر اعظم کی شادی ہوگی۔

کچھ روز قبل سابق کپتان اظہر علی نے سماجی رابطے کی ویب سائٹ ٹوئٹر پر ایک مداح نے ان سے بابر اعظم کیلئے کچھ  لفظ کہنے کو کہا تو اظہر علی نے جواب دیا کہ بابر اعظم شادی کرلو۔

دوسری جانب بابراعظم کے والد اعظم صدیقی نے بول نیوز سے گفتگو کرتے ہوئے کہا ہے کہ بابراعظم کی منگنی کی افواہیں بے بنیاد ہیں، جب بھی بابر کی منگنی یا شادی ہوگی، ڈنکے کی چوٹ پر اعلان کرینگے۔