سعودی عرب کے زیر قیادت عرب اتحاد نےحوثیوں کےعسکری اہداف کو نشانہ بنانے کے لیے فوجی کارروائی شروع کرنے کا اعلان کیا ہے۔
عرب میڈیا کے مطابق عرب اتحاد نےاعلان کیا ہے کہ فوجی کارروائی کا مقصد حوثیوں کے بیلسٹک میزائل کے ذخائر تباہ کرنا ہے جنہیں وہ میزائل حملوں میں استعمال کررہے ہیں۔
یمن میں آئینی حکومت کے دفاع کے لیے قائم عرب اتحاد کے ترجمان کرنل ترکی المالکی نے کہا ہے کہ عرب اتحادی فوج نے یمن میں تازہ فوجی آپریشن میں ایرانی پاسداران انقلاب کے ٹھکانوں، ڈورن طیاروں کے مراکز اور اسلحہ اور میزائلوں کے گوداموں کو نشانہ بنایا گیا ہے۔
عرب اتحادی فوج کے ترجمان کی طرف سے یہ بیان سوموار کے روز یمن میں کی گئی کارروائیوں کے بعد سامنے آیا ہے
یمن کی گئی عسکری کارروائیوں میں حوثیوں کو میزائلوں، ڈرون طیاروں اور دیگر بھاری ہتھیاروں سے محروم کر دیا گیا ہے۔
کرنل المالکی نے کہا کہ حوثیوں کے خلاف کی گئی کارروائی میں الحدیدہ شہر میں پاسداران انقلاب کے ٹھکانے اور اسلحہ کے گودام بھی شامل ہیں۔
قبل ازیں ہفتے کے روز یمن کے ایرانی حمایت یافتہ حوثی باغیوں نے سعودی عرب کے شہروں جازان اور الریاض پر بیلسٹک میزائل حملوں کی کوشش کی تھی جسے ناکام بنا دیا گیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News