سعودی عرب نے یکم جنوری 2021 سے سفری پابندیاں ختم کرنے کا اعلان کردیا۔
سعودی حکومت کی جانب سے جاری کردہ ایک بیان میں کہا گیا ہے کہ سعودی عرب میں یکم جنوری سے بندرگاہیں اور زمینی راستے بھی کھل جائیں گے۔
سعودی حکومت کی جانب سے بیان میں مزید کہا گیا کہ پابندیاں ختم ہونے کے بعد سعودی شہری بیرون ملک آمدورفت کرسکیں گے جبکہ کورونا کے باضابطہ ٹیسٹ کے بعد صرف مقامی افراد کو سفر کی اجازت دی جائے گی۔
یاد رہے کورونا وائرس کی وجہ سے مارچ 2020 سے سعودی عرب کے تمام بین الاقوامی پروازوں کا سلسلہ منقطع ہے۔
عرب نیوز کے مطابق وزارت داخلہ کی جانب سے جاری بیان میں کہا گیا تھا کہ ’سعودی حکومت نے مزید ایسے ممالک جہاں کورونا وائرس پھیلنے کا خطرہ ہے سعودی شہریوں اور مقیم غیر ملکیوں پر عارضی سفری پابندی لگانے کا فیصلہ کیا ہے۔‘
بیان میں مزید کہا گیا تھا کہ مجاز صحت حکام کی سفارشات پر کورونا وائرس کو کنٹرول کرنے اور اسے پھیلنے سے روکنے کے لیے احتیاطی تدابیر اختیار کی گئی ہیں جبکہ شہریوں اور مقیم غیر ملکیوں کی حفاظت یقینی بنانے کے لیےعارضی طور پر سفری پابندی لگائی جا رہی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News