تیونس کی عدالت نے سابق صدر منصف مرزوکی ریاست کی سلامتی پر حملے کے الزام میں 4 سال قید کی سزا سنادی ہے۔
غیر ملکی میڈیا کے مطابق تیونس کی عدالت نے سابق صدر منصف مرزوکی کو بیرون ملک سے قومی سلامتی کو نقصان پہنچانے کا مجرم قرار دے دیا ہے۔
عدالت نے منصف مرزوکی کو ان کی غیر حاضری میں 4 سال قید کی سزا سنائی ہے۔
یہ بھی پڑھیں: تیونس میں خواتین کے نقاب پر پابندی عائد
سابق صدر کی وکیل لامیا خمیری نے عدالتی فیصلے کے بعد کہا کہ عدالت کی جانب سے ان کے موکل کو کسی بھی قسم کا کوئی نوٹس نہیں ملا۔
دوسری جانب منصف مرزوکی نے عدالتی فیصلے کو غیر قانونی قرار دے دیا ہے، انہوں نے کہا ہے کہ یہ فیصلہ غیر قانونی صدر کے ایما پر دیا گیا ہے۔
منصف مرزوکی نے کہا کہ انہیں جن الزامات پر سزا سنائی گئی ، یہ کام دراصل موجودہ صدر نے ہی کئے ہیں۔
یہ بھی پڑھیں: تیونس نے 500 غیر قانونی تارکین وطن کو ڈوبنے سے بچالیا
واضح رہے کہ منصف مرزوکی اس وقت فرانس میں خود ساختہ جلا وطنی کی زندگی گزار رہے ہیں۔
اس وقت تیونس کے صدر قیس سعید ہیں، وہ 2019 کے عام انتخابات کے نتیجے میں صدر منتخب ہوئے لیکن ملک میں معاشی بحران پر انہوں نے ناصرف پارلیمنٹ کو معطل کردیا بلکہ آئین کی شقوں کو بھی ختم کردیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News