تیونس کے ساحل پر ایک ایندھن سے لدا بحری جہاز ڈوب گیا۔
بین الاقوامی خبرر ساں اداروں کے مطابق مصر سے مالٹا جانے والا ایک آئل ٹینکر تیونس کے جنوب مشرقی ساحل پر خلیج گیبس میں ڈوب گیا ہے۔
جہاز میں 750 ٹن ڈیزل ایندھن موجود تھا جس کا جہاز سے رساؤ روکنے کے لیے کوششیں شروع کردی گئی ہیں۔
مقامی عدالت کے ترجمان نے تصدیق کرتے ہوئے کہا ہے کہ جہاز آج صبح تیونس کی حدود میں ڈوباہے لیکن فی الحال اس سے کوئی رساؤ نہیں ہوا ہے ۔
انہوں نے مزید کہا کہ قدرتی آفات سے بچاؤ کی کمیٹی جہاز سے رساؤ ہونے کے ممکنہ خطرات سے نمٹنے کے لیے اقدامات کرے گی۔
جہاز مصری بندرگاہ ڈیمیٹا سے یورپی جزیرے مالٹا کی طرف روانہ ہوا تھا جس نے جمعہ کی شام خراب موسم کے باعث تیونس کی حدود میں داخلے کی درخواست کی تھی۔
پانی کے جہازوں کی نگرانی کرنے والی ایک نجی ویب سائٹ کے مطابق کے مطابق ٹینکر 58 میٹر لمبا اور نو میٹر چوڑا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News