ایران اور امریکا کے درمیان حالیہ امن معاہدے کے بعد ملک کی کرنسی مارکیٹ میں غیر معمولی سرگرمی دیکھنے میں آ رہی ہے جہاں صرف چند دنوں کے اندر ایرانی ریال کی طلب میں نمایاں اضافہ رپورٹ ہوا ہے۔

ایکسچینج کمپنیز ایسوسی ایشن آف پاکستان کے چیئرمین ملک بوستان کے مطابق ابتدائی دن میں ہی تقریباً 40 ارب ایرانی ریال کی خریداری ہوئی تھی تاہم صورتحال یہیں نہیں رکی اور اگلے چار روز کے دوران مجموعی طور پر 2 کھرب ریال تک کی خریداری کی اطلاعات سامنے آئی ہیں۔

مارکیٹ ذرائع کے مطابق معاہدے کے بعد ایرانی ریال کی طرف سرمایہ کاروں اور خریداروں کا رجحان تیزی سے بڑھا ہے جس کے باعث اس کی طلب اور قیمت دونوں میں مسلسل اتار چڑھاؤ دیکھا جا رہا ہے۔

معاشی ماہرین کے مطابق اس غیر معمولی سرگرمی نے کرنسی مارکیٹ میں وقتی دباؤ پیدا کر دیا ہے جبکہ مستقبل کی سمت کا انحصار خطے کی سیاسی صورتحال اور معاہدے کے اثرات پر ہوگا۔