ایران کے وزیر خارجہ عباس عراقچی نے کہا ہے کہ امریکا کے ساتھ رابطے اور پیغامات کا تبادلہ جاری ہے تاہم مذاکرات کے حوالے سے کسی حتمی نتیجے پر پہنچنے کے بارے میں ابھی کچھ نہیں کہا جا سکتا۔

غیر ملکی میڈیا کے مطابق ایرانی وزیر خارجہ عباس عراقچی نے سرکاری میڈیا سے گفتگو کرتے ہوئے بتایا کہ تہران اور واشنگٹن کے درمیان بات چیت کا سلسلہ بدستور جاری ہے۔

انہوں نے کہا کہ مذاکرات سے متعلق مختلف قیاس آرائیاں سامنے آرہی ہیں لیکن ایران صرف ٹھوس اور واضح نتائج کی بنیاد پر ہی کوئی مؤقف اختیار کرے گا۔

ایرانی وزیر خارجہ کا مزید کہنا تھا کہ جب تک مذاکرات کے بارے میں کوئی واضح پیش رفت سامنے نہیں آتی، اس وقت تک گردش کرنے والی اطلاعات اور قیاس آرائیوں کو سنجیدگی سے نہیں لینا چاہیے۔