اس خبر میں آج ہم آپکو بتائیں گے کہ اصلی اور نقلی چارجر کی پہچان کیسے کرسکتے ہیں۔
آج کل جسے دیکھو اس کے ہاتھ میں موبائل فون ہے اور وہ اس کی دنیا میں گُم ہے، ایسا لگتا ہے کہ موبائل فون ہمارے جسم کا ایک حصہ ہے اور ہماری عادتوں میں شامل ہے، بہت سے لوگوں کیلئے یہ کسی علت سے کم نہیں۔
سوتے، جاگتے، کھاتے، پیتے، اٹھتے، بیٹھتے، یہاں تک کہ واش روم میں بھی موبائل فون کا استعمال اس قدر عام ہے کہ ایسا لگتا ہے جیسے آپ موبائل فون استعمال نہیں کر رہے بلکہ موبائل فون آپ کو استعمال کر رہا ہے۔
جبکہ ہم میں سے بیشر افراد کو یہ معلوم ہی نہیں ہوگا کہ موبائل فون کے اصلی اور نقلی چارجر کی پہچان کیسے کی جاسکتی ہے۔
تو آئیے ہم آپکو اصل چارجر کی پہچان بتاتے ہیں۔
موبائل چارجر کی پرنٹنگ کوالٹی:
جب بھی آپ چارجر خریدنے کی غرض سے دکان پر جائیں تو اس کی پرنٹنگ کوالٹی پر ضرور غور کریں۔
اگر چارجر نقلی ہے تو اس میں ضرور کوئی نہ کوئی خرابی نظر آئے گی، جیسا کہ پرنٹ ہٹا ہوا ہو سکتا ہے یا کوئی اور واضح خرابی بھی ہو سکتی ہے لہٰذا اس بات کو لازمی ذہن میں رکھیں۔
چارجر کی ساخت:
چارجر خریدتے وقت یہ بات ضرور ذہن میں رکھنی چاہیے کہ کمپنی کے اصل چارجر کی ساکٹ پن نقلی سے مختلف تو نہیں کیونکہ یہ فرق واضح ہوتا ہے۔
اصل چارجر کی ساکٹ پن کی موٹائی ایک سی نہیں ہوتی ہے جبکہ نقلی ساکٹ پن کی موٹائی یکساں ہوتی ہے، اصل چارجر کی پن کی لمبائی زیادہ جبکہ نقلی کی کم ہوتی ہے۔
چارجر کی پیکنگ:
چارجر خریدتے وقت پیکنگ کو لازمی طور پر دیکھیں، عام طور پر جعلی چارجر کی پیکنگ اچھے طریقے سے نہیں کی جاتی لہٰذا سب سے پہلے ڈبے پر موجود پیکنگ میں پلاسٹک کو دیکھیں کیونکہ اس کی چوڑائی اصل کے مقابلے میں ضرور مختلف ہوگی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News