ایک ایک لاکھ ڈالر کی لاٹری دو مرتبہ جیتنے کے بعد امریکی شخص نے نصف انعامی رقم اپنے بھائی کو دینے کا فیصلہ کیا ہے۔

ایثار وقربانی کی ایک بہت بڑی مثال امریکا سے آئی ہے جہاں نارتھ کیرولینا کے ایک باشندے نے کلرک کی غلطی سے پاور بال لاٹری کے اندر ایک ہی دفعہ میں دو لاٹری جیت لی اور ان میں سے ہر ایک لاٹری ایک لاکھ ڈالر کی تھی یعنی اس نے سب سے پہلے دوکروڑ اٹھاسی لاکھ کے برابر رقم جیتی اس کے بعد مزید دوکروڑ اٹھاسی لاکھ کے برابر رقم ملی اور اس نے فیصلہ کیا کہ وہ ایک لاکھ ڈالر اپنے پاس رکھے گا اور ایک لاکھ ڈالر اپنے بھائی کو عطیہ کر دے گا۔

لاٹری جیتنے والے ٹیموتھی ایمرک نے بتایا کہ انہوں نے امریکی ریاست نارتھ کیرولینا کے اندر ایجوکیشنل لاٹری لی تھی جس کی رقم تعلیم اور بچوں کی فلاح وبہبود پر خرچ کی جاتی ہے واضح رہے کہ ٹیموتھی ایمرک نے 13 دسمبر کو یہ ٹکٹ خریدا تھا اور لاٹری کے ٹکٹ دینے والے کلرک نے دو یکساں نمبر دو ٹکٹ پر چھاپ کر انہیں دے دیئے وہ انہوں نے خاموشی سے رکھ لیے۔

جب لاٹری نکلی اور لاٹری کا اعلان ہوا تو یہی نمبر ایک لاکھ ڈالرکا مستحق ٹھہرااور یہی وجہ ہے کہ ان کے پاس دو ٹکٹ ہونے کی وجہ سے وہ مزید ایک لاکھ ڈالر کا مالک بن گیا۔

 ایمرک نے بتایا کہ ایک لاکھ ڈالر کا تحفہ اس کے لیے کافی ہےجبکہ ایک لاکھ ڈالر وہ اپنے بھائی کو دیں گے کیونکہ اپنے بھائی سے بہت محبت کرتے ہیں اور ان کے بھائی نے ہمیشہ زندگی کے ہر مشکل وقت میں ان کی غیر معمولی مدد کی ہے یہاں تک کہ وہ اس لاکھ ڈالر سے بھی ان کا احسان نہیں اتار سکتا۔