کراچی ٹرانسپورٹ اتحاد نے 5 مئی کو پبلک ٹرانسپورٹ سڑکوں پر لانے کا اعلان کردیا۔
تفصیلات کے مطابق اپنے ایک بیان میں کراچی ٹرانسپورٹ اتحاد کے صدر ارشاد بخاری نے اعلان کیا ہے کہ 5 مئی کو پبلک ٹرانسپورٹ سڑکوں و چوراہوں پر لے آئیں گے اور ہر راست قدم اٹھائیں گے۔
کراچی ٹرانسپورٹ اتحاد کے صدر نے کہا کہ اس دوران حالات خراب ہونے کی تمام تر ذمہ داری صوبائی حکومت پر عائد ہوگی اور اگر صوبائی حکومت اس عمل کو بزور قوت دبانا چاہتی ہے تو ٹرانسپورٹرز کو گرفتاریوں کی کوئی پرواہ نہیں ہے۔
ارشاد بخاری نے یہ بھی کہا کہ صدر کراچی ٹرانسپورٹ اتحاد کا کہنا تھا کہ موجودہ فیصلوں کی وجہ سے غریب ٹرانسپورٹرز اور ورکرز فاقوں سے دوچار ہوچکے ہیں، جب کہ صوبائی حکومت لاک ڈاؤن کرکے بین الاقوامی دنیا میں شہرت حاصل چاہتی ہے۔
کراچی ٹرانسپورٹ اتحاد کے صدر ارشاد بخاری نے مزید کہا کہ وزیر اعلی سندھ مراد علی شاہ نے لاک ڈاون 23 مئی تک بڑھا دیا جس کے بعد ہم نے فیصلہ کیا ہے کہ 5 مئی کو اپنی گاڑیوں کو چوراہوں پر لاکر کھڑا کرکے ہر راست اقدام اٹھائیں گے۔
گڈز ٹرانسپورٹرز کا وزیر اعظم سے ہوٹل اور مکینک کی دکانیں کھولنے کامطالبہ
یاد رہے اس سے قبل آل پاکستان گڈز ٹرانسپورٹ اونر ایسو سی ایشن کے رہنما اویس چوہدری نے وزیراعظم سے مطالبہ کیا تھا حکومت عوام کو اشیائے خوردو نوش، غذائی اجناس اور ادویات کی فراہمی کے لیے گڈز ٹرانسپورٹرز کو سہولتیں فراہم کرے۔
اویس چوہدری نے کہا تھا کہ وزیر اعظم نے گڈز ٹرانسپورٹ کو بحال کرنے کا اعلان تو کردیا ہے لیکن ضروری اقدامات کیے بغیر ٹرانسپورٹ سڑکوں پر نہیں لائی جاسکتی۔
واضح رہے کہ ملک میں کورونا وائرس کی وجہ سے صوبہ سندھ اور پنجاب میں مکمل جبکہ دیگر صوبوں میں جزوی لاک ڈاؤن ہے۔ بین الصوبائی آمد و رفت بھی معطل ہے اور تمام ایئرپورٹس بھی بند ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News