یوٹیلیٹی اسٹورز کے ہزاروں مستقل، کنٹریکٹ اور ڈیلی ویجز ملازمین کے لئے بڑی خوشخبری آگئی ہے۔

ذرائع کے مطابق یوٹیلیٹی اسٹورز کے ملازمین کو سابقہ پی ٹی آئی دور کا اعزازیہ دینے کا فیصلہ کیا گیا ہے، جو کہ کارپوریشن کے مستقل، کنٹریکٹ اور ڈیلی ویجز ملازمین کو ملے گا۔

ذرائع نے بتایا کہ مستقل اور کنٹریکٹ ملازمین کو ایک بنیادی تنخواہ کے برابر اعزازیہ دینے کا فیصلہ کیا گیا ہے جبکہ ڈیلی ویجز ملازمین کو فی ڈیلی ویجر 12 ہزار روپے کا اعزازیہ ملے گا۔

ذرائع کا کہنا ہے کہ ملازمین کو مالی سال 2020-21 کا اعزازیہ دینے کا فیصلہ کیا گیا جو 30 جون2021  کو کارپوریشن میں خدمات انجام دینے والے ملازمین کو ملے گا۔

ذرائع نے مزید بتایا کہ اعزازیہ کے حصول کیلئے 2020-21 میں کم از کم 90 دن ڈیوٹی کی شرط عائد کی گئی ہے۔

واضح رہے کہ اس سے قبل ملازمین کو رمضان ریلیف پیکج 2023 کا اعزازیہ ادا کیا جا چکا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں