اسلام آباد: وزارت خزانہ نے رواں ہفتے کے دوران پاکستان اسٹیٹ آئل (پی ایس او) کو 30 ارب روپے جاری کرنے کا فیصلہ کیا ہے۔
ذرائع وزارت خزانہ کے مطابق پی ایس او کو ادائیگیوں کیلئے ایس این جی پی ایل کو 5 ارب روپے جاری کر دیے گئے جبکہ گھریلو صارفین اور فرٹیلائزر پلانٹس کو ملنے والی سبسڈی کا بقیہ 25 ارب بھی رواں ہفتے ہی جاری ہوں گے۔
ذرائع نے بتایا ہے کہ ایس این جی پی ایل 30 ارب روپے کی رقم ملتے ہی پی ایس او کو فوری ادا کرے گی، گھویلو صارفین اور فرٹیلائزر پلانٹس کو ملنے والی سبسڈی بجٹ ایلوکیشن میں شامل ہے۔
ذرائع کا کہنا ہے کہ گردشی قرضہ کم کرنے کیلئے دو پاور پلانٹس پی ایس او کو دینے کیلئے وفاقی کابینہ آئندہ ہفتے فیصلہ کرے گی، وفاقی کابینہ سے منظوری کے بعد دونوں پاور پلانٹس کے کنٹرولنگ اسٹیک پی ایس او کو مل جائیں گے۔
ذرائع وزارت خزانہ کے مطابق پاور پلانٹس کے شیئرز پی ایس او کو ملنے سے گیس سیکٹر کا 100 ارب روپے گردشی قرضہ کم ہو جائے گا، پی ایس او کا مجموعی طور پر 130 ارب روپے کا گردشی قرضہ کم کیا جائے گا۔
وزارت خزانہ کے ذرائع نے مزید بتایا کہ وفاقی کابینہ سے منظوری کیلئے نجکاری کمیشن نے وزارت خزانہ، توانائی کی مشاورت سے سمری تیار کی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News