پاکستانی شوبز انڈسٹری کی معروف اداکارہ ہانیہ عامر کو ایک دوست کی سالگرہ کی تقریب میں شرکت کے دوران اپنے لباس کے انتخاب پر سوشل میڈیا پر تنقید کا سامنا کرنا پڑ رہا ہے۔
اداکارہ ہانیہ عامر نے انسٹاگرام پر تقریب کی تصاویر اور ویڈیوز شیئر کیں جن میں وہ دوستوں کے ہمراہ خوشگوار موڈ میں نظر آئیں۔
تصاویر میں انہیں مغربی طرز کا لباس پہنے دیکھا جا سکتا ہے جس پر کچھ سوشل میڈیا صارفین نے ناپسندیدگی کا اظہار کیا اور تنقیدی تبصرے کیے۔
View this post on Instagram
سوشل میڈیا پر سامنے آنے والے ردعمل میں مختلف صارفین نے ان کے انداز اور لباس پر بحث کی جب کہ کچھ صارفین نے ان کے حق میں حمایت بھی کی۔
یہ پہلی بار نہیں کہ ہانیہ عامر کو اپنے لباس کے انتخاب کی وجہ سے تنقید کا سامنا کرنا پڑا ہو تاہم اس سے قبل بھی وہ مختلف مواقع پر اپنے فیشن اور اسٹائل کے باعث سوشل میڈیا بحث کا مرکز بنتی رہی ہیں۔
