مالٹا سردیوں میں سب سے زیادہ کھایا جانے والا پھل ہے جسے موسم سرما کے پھلوں کا شہنشاہ بھی کہا جاتا ہے۔

تحقیق کے مطابق مالٹے اور ان کا جوس وٹامن سی کی بڑی مقدار رکھتے ہیں اسی طرح خون کی گردش اور تیزی میں اس کا بڑا کردار ہوتا ہے، مالٹا اور اس کا جوس جسم میں آئرن کی اضافی پیداوار کو روکتا ہے۔

مالٹے کے جوس کے فوائد:

مالٹے میں وٹامن اے کی بڑی مقدار ہوتی ہے اس کے ساتھ ساتھ مالٹے میں دیگر کئی اجزا جیسے میگنیشم، تانبا، پوٹاشیم، کلورین اور سوڈیم ہوتے ہیں۔

بہتر یادداشت کا باعث:

ایک تحقیق کے مطابق روزانہ ایک گلاس مالٹے کا جوس پینے سے یادداشت تیز ہوتی ہے۔

تحقیق 24 خواتین اور 13 مردوں پر مشتمل تھی جن کی عمریں ساٹھ اور اسّی سال کے درمیان تھیں، نتائج سے معلوم ہوا کہ مالٹے کے جوس میں موجود کیمیکل خون کی گردش کو بہتر بناتے ہیں۔

 تناؤ کے نتیجے میں ہونے والے عمل آکسیکٹو سے اعصابی خلیوں کی حفاظت کرتے ہیں اور خلیوں کو بہتر کام کرنے میں مدد دیتے ہیں، مالٹے میں موجود فلاوونائڈز حافظے کو مثبت طور پر متاثر کرتا ہے۔

اس تحقیق میں حصہ لینے والے افراد صحت مند تھے، محققین نے انہیں آٹھ ہفتوں تک روزانہ آدھا لیٹر مالٹے کارس پینے کو کہا تھا، تحقیق سے معلوم ہوا ہے کہ روزانہ کی بنیاد پر آدھ  گلاس مالٹے کا جوس پینا دل کی صحت کے لیے مفید ہے اور بیماریوں سے حفاظت کرتا ہے۔

فالج سے بچاؤ:

تحقیق کے مطابق کھانے پینے کی چیزوں سے کافی مقدار میں وٹامن سی نہ ملنے سے اچانک فالج کا خطرہ بڑھ جاتا ہے جبکہ روزانہ دو گلاس مالٹے کا جوس پینے سے فالج سے بچاؤ ممکن ہے۔

بد ہضمی کا علاج:

مالٹے کا جوس بد ہضمی کی شکایت کو بہتر بنانے میں موثر ہے کیونکہ یہ انہضام کے نظام کو متحرک کرتا ہے اور ہاضمے کے مسائل کو بھی حل کرنے کا کام کرتا ہے۔

مالٹے کا جوس قبض کو کم کرنے میں بھی مدد دیتا ہے جو عمل انہضام میں کمزوری یا بدہضمی کی وجہ سے ہوتی ہے اس لیے ماہرین غذا نے لوگوں کو سونے سے پہلے مالٹے کا جوس پینے کی سفارش کی ہے، اس سے غذا ہضم ہونے میں مدد ملتی ہے۔