اگر روزانہ کشمش کھانے کے فوائد لوگ جان جائیں تو اسے مہنگے داموں خرید کر بھی کھانا پسند کریں گے۔
کشمش میں مینگنیز، وٹامن بی 6،کاپر، پوٹاشیئم اور آئرن کے علاوہ پروٹین، کاربوہائیڈریٹس اور فائبر پایا جاتا ہے۔
کشمش میں ایک خاص عنصر بورون بھی موجود ہوتا ہے جو ہڈیوں اور جوڑوں کو مضبوط بنانے کے علاوہ زخموں کو تیزی سے بھرنے میں مدد دیتا ہے۔
روزانہ پانی میں بھیگی ہوئی کشمش کھانے کے فوائد
دانتوں کے لئے فائدے مند
کشمش کے استعمال سے دانت مضبوط ہوتے ہیں ساتھ ہی یہ دانتوں کو کیڑا لگنے سے محفوظ رکھتی ہے کشمش کھانے سے دانتوں کی سفیدی برقرار رہتی ہے اور دانت چمکدار ہوتے ہیں۔
اینٹی ایجنگ خصوصیات
ماہرین کے مطابق کشمش کے استعمال سے انسان کی جلد ترو تازہ رہتی ہے، بڑھاپے اور بڑھتی عمر کے ظاہری اثرات یعنی جھائیوں جھریوں کا مسئلہ نہیں ہوتا، اس کے استعمال سے جلد میں لچک برقرار رہتی کشمش کھانے سے انسان کے جسم میں خون کا نظام بہتر ہوتا ہے۔
وٹامن سی کا خزانہ
کشمش میں وٹامن سی کی وافر مقدار موجود ہوتی ہے کشمش میں ایک ایسا کیمیائی نباتیاتی مواد پایا جاتا ہے جو ہماری جلد کو دھوپ کے نقصان دہ اثرات سے محفوظ رکھتا ہے کشمش میں موجود وٹامن سی جلد کو چمکدار اور لچکدار بناتا ہے۔
بالوں کیلئے مفید
کشمش کو روزانہ باقاعدگی سے استعمال کرنے سے بالوں کا قبل از وقت سفید ہونا رک جاتا ہے اور یہ بالوں کو گھنا اور سیاہ بناتی ہے۔
ماہرین بھی خوبصورت اور چمکدار بالوں کے لئے کشمش کا باقاعدہ استعمال کرنے کے مشورہ دیتے ہیں۔
یہ بھی جانئیے۔۔
ماہرین کا کہنا ہے کہ کشمش کودھو کر رات میں ایک گلاس پانی میں بھگو کر اگلی صبح خالی پیٹ کھانا صحت کے لیے انتہائی فائدہ مند ثابت ہوسکتا ہے، ایک تو اس سے مٹی اور گندگی دور ہوجاتی ہے دوسرا دن کا آغاز کشمش کھا کر اور اس کا پانی پی کر کرنے سے جسم کو وٹامنز اور منرلز ملتے ہیں جو اس میوے کی اوپری سطح سے پانی میں جذب ہوجاتے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News