نئی دہلی کے ہوٹل میں خاتون ٹورسٹ گائیڈ کو اجتماعی زیادتی کا نشانہ بنایا گیا۔
بھارتی میڈیا کے مطابق متاثرہ ٹورسٹ گائیڈ کا کہنا ہےکہ انہیں نئی دہلی کے انڈیا گیٹ پر واقع فائیو اسٹار ہوٹل میں اجتماعی زیادتی کا نشانہ بنایا گیا۔
پولیس کے مطابق متاثرہ خاتون نے واقعے میں 6 ملزمان کی نشاندہی کی جن میں ایک خاتون بھی شامل ہے جبکہ متاثرہ خاتون کی نشاندہی پر مرکزی ملزم کو گرفتار کرلیا گیا ہے۔
پولیس کا کہنا ہےکہ مرکزی ملزم کی شناخت منوج شرما کے نام سے ہوئی جو دہلی کا ہی رہائشی ہے۔
بھارتی میڈیا کے مطابق ہوٹل کے جس کمرے میں خاتون سے زیادتی کی گئی وہ دو بزنس مین نے بک کرایا تھا جبکہ متاثرہ خاتون ہوٹل میں ٹورسٹ گائیڈ اور ٹکٹ بکنگ ایگزیکٹو کے فرائض انجام دیتی ہیں۔
Advertisement
خاتون نے پولیس کوبتایا کہ انہیں کچھ پیسوں کی ضرورت تھی جس پر ملزم نے خاتون کو کال کی اور آسان قسط پر قرض دینے کے بہانے کمرے میں بلایا اور پھر زیادتی کا نشانہ بنایا گیا۔
پولیس کا کہنا ہےکہ کیس کی مزید تحقیقات جاری ہیں اور مزید ملزمان کی گرفتاری کے لیے بھی چھاپے مارے جارہے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
