ٹک ٹاک پر پابندی، پی ٹی اے کو نوٹس جاری

ثمرا مظہر

17th Oct, 2020. 01:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹک ٹاک پر پابندی، پی ٹی اے کو نوٹس جاری

اسلام آباد ہائی کورٹ کی جانب سے ویڈیو شیئرنگ ایپ ٹک ٹاک کی بندش کا فیصلہ فوری معطل کرنے کی درخواست پر پاکستان ٹیلی کمیونیکیشن اتھارٹی (پی ٹی اے) کو نوٹس جاری کردیا گیا۔

تفصیلات کے مطابق عدالت نے ٹک ٹاک بندش کے فیصلے کے خلاف درخواست پر سماعت کے لیے تحریری حکم نامہ جاری کردیا ہےجو کہ 3 صفحات پر مشتمل ہے۔

عدالتی حکم نامے میں کہا گیا ہے کہ کیوں نا کیس کے حمتی فیصلے تک پی ٹی اے کا فیصلہ معطل کردیا جائے۔ پی ٹی اے آئندہ سماعت پر عدالت میں پیش ہونے کے لیے سینئر افسر مقرر کرے۔

عدالت نے کہا کہ عدالتی احکامات پر عمل نہ کرنے پر کیوں نا پی ٹی اے کے خلاف کارروائی کی جائے؟ وکیل درخواست گزار کے سوالات توجہ طلب ہیں، درخواست سماعت کے لیے منظور کی جاتی ہے۔

اس کے علاوہ عدالت نے صدر پی ایف یو جے مظہر عباس اور وائس چیئرمین پاکستان بار کونسل و سابق وزیر اطلاعات جاوید جبار کو عدالتی معاون مقرر کردیا۔

اسلام آباد ہائی کورٹ میں کیس کی مزید سماعت 23 اکتوبر کو ہوگی۔