وزیراعظم عمران خان نے کہا ہے کہ عوام کو ریلیف فراہم کرنے کے لیے اقدامات کررہے ہیں۔

تفصیلات کے مطابق وزیراعظم عمران خان کی زیر صدارت تحریک انصاف کی پارلیمانی پارٹی کے اجلاس کی اندرونی کہانی سامنے آگئی۔

وزیر دفاع پرویز خٹک اور عامر ڈوگر نے اجلاس میں ووٹ کے طریقہ کار پر بریفنگ دیتے ہوئے کہا کہ تمام ارکان اسمبلی کوشش کریں 12 بجے تک ایوان میں پہنچ جائیں۔

وزیراعظم عمران خان نے پارلیمانی پارٹی اجلاس سے خطاب کرتے ہوئے کہا کہ اس سے پہلے کہ اپوزیشن عدم اعتماد کی تحریک لاتی میں نے خود پارلیمنٹ سے اعتماد کا ووٹ لینے کا فیصلہ کیا۔

عمران خان نے یہ بھی کہا کہ میں نے زندگی میں نشیب و فراز دیکھےجبکہ ہم نے ڈھائی سال میں بہت بحران دیکھے، جب ملک سنبھالا معیشت کی حالت بہت خراب تھی لیکن آج ملکی معیشت سنبھل چکی ہے۔

وزیراعظم عمران خان نے مزید کہا کہ ہم نے لوگوں کے لیے آسانیاں پیدا کرنی ہیں، امید کرتا ہوں کل تمام ارکان اسمبلی مجھ پر اعتماد کریں گے۔

اجلاس میں پارلیمانی پارٹی نے وزیراعظم کی بھرپور حمایت کا اعلان کرتے ہوئے کہا کہ کل تمام لوگ وزیراعظم کے ساتھ کھڑے ہوں گے۔