ملک بھر میں کورونا کیسز میں اضافے کے پیشِ نظر آج نیشنل کمانڈ اینڈ آپریشن سینٹر( این سی اوسی) کا اجلاس طلب کیا گیا ہے۔
تفصیلات کے مطابق وفاقی وزیرتعلیم شفقت محمود کا کہنا ہے کہ ابھی صورت حال ویسی نہیں جیسی نومبر، دسمبر میں تھی، کیسز کی شرح میں ایک ہفتے کے دوران اضافہ ہوا۔
وفاقی وزیر تعلیم کا کہنا ہے کہ آج اجلاس میں تمام صوبوں کے وزرائے تعلیم شریک ہوں گے، اجلاس میں آئندہ کا لائحہ عمل طے کیا جائے گا۔
وفاقی دارالحکومت اسلام آباد کے ڈی ایچ او نے بھی ڈپٹی کمشنر اسلام آباد کو باقاعدہ خط لکھ کر کہا ہے کہ کورونا کیسز میں اضافے کے پیشِ نظر ہنگامی بنیادوں پر اقدامات کیے جائیں۔
ڈی ایچ او اسلام آباد کی جانب سے لکھے جانے والے خط میں واضح کیا گیا ہے کہ تعلیمی اداروں اور دفاتر میں کورونا کیسز میں اضافہ ریکارڈ کیا گیا ہے۔
خط کے متن میں کہا گیا ہے کہ تعلیمی اداروں میں حاضری 50 فیصد سے زیادہ نہیں ہونی چاہیے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News