پیپلزپارٹی کے رہنما فیصل کریم کنڈی نے کہا ہے کہ عمران خان کی ریاست میں امیر و غریب کیلئے الگ قانون ہے۔
تفصیلات کے مطابق پیپلزپارٹی کے رہنما فیصل کریم کنڈی نے اپنے ایک بیان میں کہا کہ فرنٹ لائن ہیلتھ ورکرز کو سلام پیش کرتا ہوں۔
فیصل کریم کنڈی نے کہا کہ ہیلتھ ورکرز جانوں پر کھیل کر قوم کی خدمت کر رہے ہیں، قوم ہیلتھ ورکرز کی سلامتی اور کامیابی کیلئے دعائیں کریں۔
پیپلزپارٹی کے رہنما کا کہنا تھا کہ تیسری لہر میں کورونا تیزی سے پھیل رہا ہے، کے پی میں ایس او پیز پر کوئی عملدرآمد نہیں ہو رہا، کے پی کے وزیر صحت ایس او پیز کی دھجیاں اڑ ا رہے ہیں۔
فیصل کریم کنڈی کا یہ بھی کہنا تھا کہ تیمور جھگڑا دوستوں کے ساتھ افطار پارٹیاں کر رہے ہیں، تیمور جھگڑا کی جگہ کوئی اور ہوتا تو جیل کی سلاخوں کے پیچھے ہوتا۔
پیپلزپارٹی کے رہنما نے کہا کہ وزیراعظم ملک میں ایک قانون کا بھاشن دیتے ہے لیکن اگر ملک میں ایک قانون ہوتا تو وزیر صحت کے پی برطرف ہوتے۔
پیپلزپارٹی کے رہنما فیصل کریم کنڈی نے مزید کہا کہ حکمران ملک کو تباہی و بربادی کی جانب لیکر جا رہے ہیں ، قوم کورونا ایس او پیز پر سختی سے پابندی کرے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News