فنڈز کے استعمال میں شفافیت اور اعلیٰ معیار پر کوئی سمجھوتہ نہیں ہوگا، سرداد عثمان بزدار

انوشہ شیخ

27th Jun, 2021. 11:30 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فنڈز کے استعمال میں شفافیت اور اعلیٰ معیار پر کوئی سمجھوتہ نہیں ہوگا، سرداد عثمان بزدار

وزیراعلی پنجاب عثمان بزدار کا کہنا ہے کہ 560 ارب روپے کے ترقیاتی پروگرام کے فوائد صوبے کے عوام تک پہنچانا محکموں کی ذمہ داری ہے۔

اپنے جاری کردہ بیان میں اسکیموں سے متعلق انہوں نے بتایا کہ 560 ارب روپے کے سالانہ ترقیاتی پروگرام پرعملدرآمد کیلئے مانیٹرنگ یونٹ بنایا جائے گا ، محکموں کو 31 جولائی تک غیر منظور شدہ اسکیموں کو منظور کرانے کی ہدایت کر دی گئی ہے۔

ان کا کہنا تھا کہ اسکیموں کا مکمل ٹائم فریم مرتب کیا جائے گا، ارب روپے کا ایک روپیہ بھی لیپس نہیں ہونے دیں گے۔

سردار عثمان بزدار نے یہ بھی بتایا کہ سالانہ ترقیاتی پروگرام کے فنڈز کا بروقت اور شفاف استعمال ہر صورت یقینی بنائیں گے جبکہ میں خود تاریخ ساز ترقیاتی پروگرام کی ذاتی مانیٹرنگ کروں گا۔

محکمہ اسکیموں پرعملدرآمد کیلئے جامع روڈ میپ مرتب کرکے تیزی سے آگے بڑھنا ہے ، اس ضمن میں چیئرمین منصوبہ بندی و ترقیات کو ضروری ہدایات بھی دے دی ہیں۔

واضح رہے کہ انہوں نے یہ بھی کہا کہ اسکیموں میں فنڈز کے استعمال میں شفافیت اور اعلیٰ معیار پر کوئی سمجھوتہ نہیں ہوگا۔