وزیر اعظم ملک میں آئندہ انتخابات کو مکمل طور پر شفاف بنانا چاہتے ہیں، چوہدری محمد سرور

انوشہ شیخ

25th Aug, 2021. 11:52 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر اعظم ملک میں آئندہ انتخابات کو مکمل طور پر شفاف بنانا چاہتے ہیں، چوہدری محمد سرور

گور نر پنجاب چوہدری محمد سرور کا کہنا ہے کہ وزیر اعظم عمران خان ملک میں آئندہ انتخابات کو مکمل طور پر شفاف بنانا چاہتے ہیں۔

تفصیلات کے مطابق گور نر پنجاب چوہدری محمد سرور سے ایم این اے نواب شیر وسیر کی ملاقات ہوئی ہے ، اس موقع پر چوہدری محمد سرور نے کہا کہ اپوزیشن انتخابی اصلاحات کی مخالفت کر کے دھاندلی کو سپورٹ کرے گی۔

چوہدری محمد سرور کا کہنا تھا کہ سیاسی مخالفین اورسیز پاکستانیوں کو ووٹ کا حق دینے میں بھی رکاوٹ بن رہے ہیں ، اوورسیز پاکستانی وزیراعظم عمران خان کی قیادت پر مکمل اعتماد کرتے ہیں۔

ان کا کہنا تھا کہ بدقسمتی سے حکومت کے سیاسی مخالفین ہر معاملے میں روڑے اٹکا نے کی سیاست کر رہے ہیں جبکہ ملک درست سمت میں آگے بڑھ رہا ہے بزنس انڈیکس میں 108 فیصد اضافہ ریکارڈ ہوا ہے۔

چوہدری محمد سرور کا مزید کہنا تھا کہ ملکی تاریخ میں پہلی بار اداروں میں اصلاحات کیلئے عملی اقدامات ہو رہے ہیں ، پاکستان معاشی طور پر دیوالیہ ہونے سے بچانے کا کر یڈ ٹ عمران خان اور انکی معاشی ٹیم کو جاتا ہے۔