پاکستان پیپلزپارٹی کے لوگوں نے میری گاڑی پر حملہ کیا ہے، حلیم عادل شیخ

انوشہ شیخ

03rd Aug, 2021. 11:39 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان پیپلزپارٹی کے لوگوں نے میری گاڑی پر حملہ کیا ہے، حلیم عادل شیخ

اپوزیشن لیڈر حلیم عادل شیخ نے وزیراعظم عمران خان کو خط لکھا ہے جس میں انہوں نے بتایا ہے کہ پاکستان پیپلزپارٹی کے لوگوں نے میری گاڑی پر حملہ کیا ہے۔

خط میں انہوں نے لکھا ہے کہ جب مجھ پر حملہ ہوا تو میں ایک شادی میں شرکت اور پارٹی امور کی انجام دہی کے لیے نواب شاہ جا رہا تھا پولیس افسران نے مکمل سیکیورٹی کی یقین دھانی کرائی تھی لیکن نوابشاہ پہنچنے پر پولیس غائب تھی کسی قسم کی سیکیورٹی نہیں دی گئی۔

ان کا مزید کہنا تھا کہ کراچی پہلے الطاف حسین نے نوگو ایریا بنایا ہوا تھا اور اب آصف علی زرداری نے اپنے علاقوں کو نوگو ایریا بنایا ہوا ہے۔

حلیم عادل شیخ کا کہنا تھا کہ آرٹیکل 15کے تحت ہر شہری کو پاکستان میں کہیں بھی جانے کا حق حاصل ہے جبکہ مجھ پر سندھ میں پی پی پی نے پانچویں مرتبہ حملہ کروایا ہے۔

ان کا کہنا تھا کہ پاکستان پیپلزپارٹی میری آواز دبانا چاہتی ہے جبکہ میں سندھ حکومت کی کرپشن کو مزید بے نقاب کرتا رہوں گا۔

واضح رہے کہ حلیم عادل شیخ نے ڈی آئی جی اور ایس ایس پی نواب شاہ کو عہدوں سے برطرف کرنے کی استدعا بھی کردی ہے۔