بے پناہ کرپشن کے زریعے ملک کو اندھیروں میں دھکیلا گیا ہے، ڈاکٹر شہباز گِل

انوشہ شیخ

22nd Aug, 2021. 02:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بے پناہ کرپشن کے زریعے ملک کو اندھیروں میں دھکیلا گیا ہے، ڈاکٹر شہباز گِل

وزیر اعظم عمران خان کے معاون خصوصی برائے سیاسی ابلاغ ڈاکٹر شہباز گل کا کہنا ہے کہ بے پناہ کرپشن کے زریعے ملک کو اندھیروں میں دھکیلا گیا ہے۔

تفصیلات کے مطابق ڈاکٹر شہباز گل نے (ن) لیگی رہنماؤں کی پریس کانفرنس پر ردعمل دیتے ہوئے کہا ہے کہ پی ڈی ایم کرپٹ پارٹی الائنس ہے۔

ڈاکٹر شہباز گل کا کہنا تھا کہ 18 سے 2008 تک کرپشن کا سنہری دور رہاہے ، ڈھٹائی کی اعلیٰ مثالیں ڈھیلے کی کرپشن نہ کرنے کا دعویٰ کرتے ہیں۔

ان کا کہنا تھا کہ جب کرپشن کا سوال کیا جائے تو آئیں بائیں شائیں کرتے ہیں، ڈالر کو مصنوعی طور پر مستحکم رکھ کر معیشت کو نقصان پہنچایا گیا ہے۔

انہوں نے مزید بتایا کہ آج روپے کی قدر ماضی کے غلط فیصلوں کی بدولت کم ہوئی ہے ، الیکشن میں دھاندلی کا رونا رونے والے اصلاحات سے بھاگ رہے ہیں۔

ڈاکٹر شہباز گِل نے کہا کہ قوم نواز شریف سے کرپشن کا حساب مانگ رہی ہے، دھونس اور دھاندلی کے بغیر نااہل کبھی سلیکشن نہیں جیتے ہیں۔

انہوں نے یہ بھی بتایا کہ انہیں وہی الیکشن قبول ہیں جن میں یہ من مانی کے زریعے دھاندلی کر سکیں جبکہ چھانگا مانگا کی سیاست عمران خان نے دفن کر دی اب شفافیت کا راج ہوگا۔