پاکستان کی میزبانی میں ایشین جونئیر انڈر 12 ٹینس چیمپئین شپ کا کوالیفائنگ راؤنڈ شروع ہو گیا ہے۔

تفصیلات کے مطابق پاکستان ٹینس کمپلیکس میں کھیلے جا رہے ایونٹ کے پہلے روز بوائز اور گرلز کیٹگری میں کل 6میچز کھیلے گئے،پاکستان پہلی بار جونیئر لیول کے انٹر نیشنل ایونٹ کی میزبانی کر رہا ہے،جس میں بھارت،مالدیپ،نیپال اور پاکستان کے کھلاڑی شریک ہیں۔

 پاکستان ٹینس کمپلیکس کی طرف سے جاری تفصیلات کے مطابق پہلے روز کے بوائز مقابلوں میں انڈین کھلاڑی اوجاس میہلاوت نے نیپالی حریف نسد جوشی کو 6-1 6-0سے ،آرو چاولہ نے نیپال کے ہی بورس ادیکھاری کو6-1 6-0 سے جبکہ ڈبلز مقابلوں میں آرو چاولہ اور روددرا باتھم پر مشتمل انڈیا جوڑینے نسد جوشی اور دریشیل پر مشتمل نیپالی جوڑی کو 6-2 6-1 سے شکست دی۔

ایونٹ کی ویمن کیٹگری کے مقابلوں میں انڈین کھلاڑی ہریتشری نے پاکستانی حریف ذونیشہ نور کو 6-1 6-1 سے دوسرے ویمن سنگل مقابلے میں انڈیا کی مایہ کو پاکستان کی ہانیہ منہاس نے شکست دی۔

ویمن مقابلوں کی ڈبل کیٹگری میں ہریتشری اور مایہ پر مشتمل جوڑی نے ذونیشہ نور ہانیہ منہاس کو شکست دی۔