کراچی: چپ تعزیہ کے جلوسوں پر سیکیورٹی خدشات کے پیش نظر سندھ حکومت نے بڑا فیصلہ کرتے ہوئے ڈبل سواری پر پابندی عائد کر دی ہے۔
تفصیلات کے مطابق آج سندھ صوبے کے 7 بڑے شہروں میں ڈبل سواری پر پابندی عائد کردی گئی ہے۔
ذرائع کے مطابق محکمہ داخلہ سندھ نے ڈبل سواری پر پابندی کا نوٹی فکیشن جاری کردیا ہے۔
محکمہ داخلہ سندھ کی جانب سے جاری کردہ نوٹی فکیشن کے مطابق ڈبل سواری پر پابندی کراچی، حیدرآباد، سکھر، میرپور خاص، لاڑکانہ، خیرپور اور شہید بینظیر آباد میں لگائی گئی ہے۔
محکمہ داخلہ سندھ کا اس حوالے سے کہنا ہےکہ آج چپ تعزیوں کے جلوس نکالے جائیں گے،سیکیورٹی خدشات کے پیش نظر ڈبل سواری پر پابندی عائد کی گئی ہے۔
واضح رہےکہ شہادتِ امام حسن عسکری کے موقع پر چپ تعزیے کا پہلا مرکزی جلوس صبح نشتر پارک سے برآمد ہوا جو اپنے روایتی راستوں سے ہوتا ہوا حسینیاں ایرانیاں کھارادر پر اختتام پذیر ہوا۔
ذرائع کے مطابق جلوس کے لیے ایم اے جناح روڈ کو گرو مندر سے ٹاور تک اور دیگر متعلقہ سڑکیں ٹریفک کی آمد و رفت کے لیے بند کی گئی تھیں۔
جلوس کے راستوں کو واٹر ٹینکرز اور رکاوٹیں لگا کر سیل کیا گیا تھا۔
ذرائع کے مطابق سیکیورٹی کےلئے پولیس کی بھاری نفری بھی جلوس کی گزر گاہوں پر تعینات کی گئی تھی۔
ٹریفک پولیس کے مطابق چپ تعزیئے کے جلوس کے باعث ایم اے جناح روڈ اور اطراف کی گلیاں بند ہونے کے باعث ٹریفک کو متبادل راستوں پر موڑا گیا تھا۔
چپ تعزیئے کا دوسرا جلوس بعد نمازِ ظہرین ناظم آباد سے برآمد ہو کر مارٹن روڈ شاہ نجف امام بارگاہ پر ختم ہو گا۔
دوسرے جلوس کے دوران ناظم آباد سے لسبیلہ جانے والی سڑک ٹریفک کے لیے بند رہے گی، جبکہ لسبیلہ سے تین ہٹی نشتر روڈ تا سینٹرل جیل مارٹن روڈ بھی ٹریفک کے لیے بند رہے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News