حکومت کی جانب سے خفاظتی اقدامات کی پیش نظر وفاقی دارالحکومت میں اہم شاہراہیں، ہائی ویز اور موٹرویز کو کنٹینر لگا کر بند کردیا گیا ہے۔
تفصیلات کے مطابق پاکستان تحریک انصاف کے ’حقیقی آزادی مارچ‘ سے نمٹنے کے لئے حکومت نے گزشتہ رات سے اسلام آباد جانے والے تمام راستوں کو بند کردیا ہے۔
راستے بند ہونے کی وجہ سے عام عوام پریشانی کا شکار اور ٹریفک کی روانی متاثر ہوئی ہے۔
اس حوالے سے جاری رپورٹ کے مطابق جی 13 میں سرینگر ہائی وے رکاوٹیں لگاکربندکردی گئی ہے جبکہ زیروپوائنٹ پر بھی سرینگر ہائی وے کا ایک حصہ کنٹینرلگاکربند کردیا گیا ہے۔
رپورٹ میں بتایا گیا ہے کہ فیض آباد انٹر چینج پر بھی کنٹینز کھڑے کردیئے گئے ہیں جبکہ اسلام آباد آنے والی پبلک ٹرانسپورٹ مکمل طور پر بند کردی گئی ہے۔
اسلام آباد ہائی وے کو گلبرگ پل کے مقام پر کنٹینرز لگا کر بند کر دیا گیا ہے اسکے علاوہ موٹروے اور ہائی ویز کو بھی مختلف مقامات پر بند کردیا گیا ۔
ٹیکسلہ اور واہ کنیٹ سے راولپنڈی اسلام آباد آنے والے تمام راستے بند کر دئیے گئے ہیں۔
خیال رہے کہ رواں ہفتے سابق وزیراعظم اور پاکستان تحریک انصاف کے چیئرمین عمران خان نے 25 مارچ کو لانگ مارچ کرنے کا علان کیا تھا۔
حکومت کی جانب سے عمران خان کے لانگ مارچ کو بھرپور انداز میں روکنے اور اسکی اجازت نہ دینے کا فیصلہ کیا گیا تھا جس پر عمل درآمد کرتے ہوئے اسلام آبد سمیت سندھ اور پنجاب میں دفعہ 144 نافذ کردی گئی ہے جبکہ لاہور اور وفاقی دارالحکومت میں اہم شاہراہوں کو کنٹینر لگا کر بند کیا گیا ہے۔
حکومت کی جانب سے لانگ مارچ کو روکنے کے لئے پولیس کی بھاری نفری سمیت رینجرز کے اہلکار تعینات کیے گئے ہیں جبکہ فوج کے متعلقہ اداروں کو بھی الرٹ رہنے کے احکامات جاری کردیئے گئے ہیں۔
باوجود حکومتی احکامات اور اقدامات کے پی ٹی آئی کے کارکنان مختلف شہروں سے ریلی کی صورت میں لانگ میں شرکت کے لئے روانہ ہوئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News