زمبابوے کرکٹ بورڈ نے ہالینڈ کے خلاف ون ڈے سیریز کے لیے اسکواڈ کا اعلان کر دیا ہے جس میں آل راؤنڈر سکندر رضا بھی شامل ہیں۔
تفصیلات کے مطابق ہالینڈ کے خلاف تین میچز کی ون ڈے سیریز کے لیے زمبابوے کرکٹ بورڈ نے اسکواڈ کا اعلان کر دیا ہے جس میں آل راؤنڈر سکند رضا بھی شامل ہیں۔
یہ بھی پڑھیں : رکی پونٹنگ کی تعریف سے میرے اعتماد میں اضافہ ہوا، سکندر رضا
سکندر رضا اور ریان برل فرنچائز ٹورنامنٹس میں اپنی مدت پوری کرنے کے بعد زمبابوے کی ٹیم میں واپس آئیں گے جبکہ شان ولیمز، ٹینڈائی چتارا اور بلیسنگ مزارابانی انجری سے صحت یاب ہو چکے ہیں۔
زمبابوے نے نیدرلینڈز کے خلاف اپنی آئندہ ون ڈے سپر لیگ سیریز کے لیے مکمل طاقت کے اسکواڈ کا اعلان کر دیا ہے۔
سکندر رضا، برل، ولیمز، چتارا اور مزاربانی فروری میں بلاوایو میں ویسٹ انڈیز کے خلاف دو ٹیسٹ میچوں کی سیریز کا حصہ نہیں تھے۔
زمبابوے نے ویسٹ انڈیز کے خلاف دو ٹیسٹ میچز کی سیریز 1-0 سے ہاری تھی، پہلا میچ بارش کے ڈرا ہوا تھا جبکہ دوسرے ٹیسٹ میں ایک اننگ اور 4 رنز کی شکست سے دوچار ہونا پڑا تھا۔
واضح رہے کہ کہ سکندر رضا پی ایس ایل 2023 میں لاہور قلندرز کی ٹیم کی نمائندگی کے لیے پاکستان میں موجود ہیں، پی ایس ایل کا فائنل کل کھیلا جائے گا۔
جبکہ برل بی پی ایل میں سلہٹ اسٹرائیکرز اور پھر زمبابوے میں رائنوز اینڈ ناردرنز کا حصہ تھے۔
زمبابوے کے مزاربانی کواڈ پٹھوں کی پرانی چوٹ کی وجہ سے ایکشن سے باہر تھے، ولیمز انگلی میں فریکچر اور چتارا ران کے پٹھوں کی چوٹ کی وجہ سے آئر لینڈ کے خلاف سیریز سے باہر ہو گئے تھے۔
نیدرلینڈز کے خلاف ون ڈے سیریز کا پہلا میچ 21 مارچ کو دوسرا 23 اور تیسرا میچ 25 مارچ کو ہرارے میں ہو گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News