وزیراعظم عمران خان نےکہاہےکہ امریکی صدر ڈونلڈ ٹرمپ سے ملاقات کرکے بہت خوشی ہوئی ہے، ٹرمپ ایک صاف گو انسان ہیں اوران کی باتوں میں ابہام نہیں،وزیراعظم نے کہاکہ ان کےساتھ موجود وفد کوبھی امریکی صدرسےملاقات کرکےخوشی ہوئی۔
امریکی ٹی وی کو خصوصی انٹرویودیتےہوئےوزیراعظم عمران خان نے کہا کہ صدر ٹرمپ سے کشمیرکے مسئلے پر بات ہوئی ہے،صدر ٹرمپ مسئلہ کشمیر کےحل کیلئے اہم کردار اداکرسکتے ہیں۔
افغانستان میں امن عمل سے متعلق وزیراعظم نے کہا کہ ہم معاہدے کے قریب پہنچ چکے ہیں۔
Prime Minister of Pakistan Imran Khan's Exclusive Interview on Fox News. (1/6)#PrimeMinisterImranKhan #Pakistan 🇵🇰 #USA 🇺🇸 #KhanMeetsTrump #PMIKInUSA pic.twitter.com/DY93vF2XXH
Advertisement— Government of Pakistan (@GovtofPakistan) July 23, 2019
وزیراعظم عمران خان نےکہا کہ افغانستان کےعوام4دہائیوں سےخانہ جنگی سےمتاثرہیں اوراپنی جانیں دے چکے ہیں، افغانستان کوامن کی ضرورت ہے،طالبان کوحکومت کاحصہ بن کرعوام کی نمائندگی ملنی چاہیے، طالبان کےساتھ حالیہ امن مذاکرات اب تک کےکامیاب ترین مذاکرات رہےہیں،امریکاکوطالبان سےکوئی خطرہ نہیں ہوناچاہیے۔
وزیراعظم نےکہا کہ طالبان کی تحریک بین الاقوامی دہشتگردی کی نہیں،افغان جنگ میں پاکستان نے70ہزار جانیں دیں۔
وزیراعظم عمران خان نے انٹرویو میں مزید کہاکہ عافیہ صدیقی کوشکیل آفریدی کےبدلےرہا کیا جاسکتاہے۔
بھارت سے کشیدگی پروزیراعظم کا کہناتھاکہ امریکا بھارت اور پاکستان کے درمیان ثالث کاکردار ادا کرسکتا ہے۔ بھارت کو مذاکرات کی ٹیبل پر آنا چاہیے۔
وزیراعظم کاکہناتھا کہ اگر بھارت نیولیئر ہتھیاروں سے دستبردار ہوجائے تو پاکستان بھی ہوسکتاہے۔
امریکی صحافی کے سوال پر جواب دیتے ہوئے وزیراعظم نے کہا کہ جوہری جنگ مسائل کا حل نہیں،بھارت اور پاکستان جوہری جنگ سے اپنی ہی تباہی کربیٹھیں گے۔
امن سے متعلق پاکستان کے کردار پر وزیراعظم نے امریکی ٹی وی کوانٹرویو میں کہا کہ پاکستان کا نیئوکلیئر پروگرام بالکل محفوظ ہے، پاکستان امریکا سے انٹیلی جنس معلومات شیئر کرتاہےجبکہ پاک فوج پیشہ ورانہ فوج ہے۔
وزیراعظم نے ایران کے جوہری ہتھیاروں پربات کرنے سے انکار کرتے ہوئے کہاکہ ایران کے جوہری ہتھیاروں سے متعلق کچھ نہیں کہہ سکتا، ایران سے تعلقات خراب کرنے سے پاکستان کو نقصان ہوگا۔
وزیراعظم کا کہناتھا کہ پاکستان افغانستان میں امن کا خواہاں ہےاورخطے میں امن کیلیےہر ممکن کوششیں جاری رکھےگا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News