نوازشریف،فضل الرحمان،زرداری نے بزنجوکواوپرچڑھا کر سیڑھی کھینچ لی، فرخ حبیب

شبین رضا

03rd Aug, 2019. 08:16 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نوازشریف،فضل الرحمان،زرداری نے بزنجوکواوپرچڑھا کر سیڑھی کھینچ لی، فرخ حبیب

فیصل آباد میں وفاقی پارلیمانی سیکریٹری ریلوے فرخ حبیب نے میڈیا سے بات چیت کرتے ہوئے کہا کہ میر حاصل بزنجو کو نواز شریف، فضل الرحمان اور زرداری سے پوچھنا چاہیے جنہوں نے اوپر چڑھا کر نیچے سے سیڑھی کھینچ لی،حاصل بزنجو چیئرمین سینیٹ کی شیروانی سلواکر بیٹھے تھے۔

فرخ حبیب کا کہنا تھا کہ گزشتہ دنوں کرپٹوں کا ٹولہ اکٹھا ہوا تھا، تحریک عدم اعتماد پر اپنے ہی 14 سینیٹروں نےعدم اعتماد کااظہار کیا، پاکستانی عوام ان کے ساتھ ہیں نہ ہی ان کے سینیٹرز ، سینیٹرز نے اپنے ضمیر کی آواز کے مطابق ووٹ دیے۔

انھو ں نے کہا کہ رہنما پی ٹی آئی کا کہنا تھا کہ مریم نواز نیب سےکہتی ہیں پیسہ کہاں سےآیا یہ دادا سے پوچھو، نواز شریف جیل میں بیٹھ کر نیلسن منڈیلا بننا چاہتے تھے، اب تو چوروں سے لوٹا مال واپس لیا جا رہا ہے، پانامہ رانی آج کل جلسیاں اور کانر میٹنگز کر رہی ہیں۔

فرخ حبیب کا مزید کہنا تھا کہ موجودہ حکومت اور فوج اب ایک پیج پر موجود ہے، یہ جتنا چوروں کا ٹولہ ہے یہ سب جیل جاتے نظر آ رہے ہیں ، اب ہو سکتا ہے نارووال ایکسپریس کو بھی جیل جانا ہوگا۔