وزیر اعظم عمران خان کے دورہ امریکہ سے مرتب ہونے والے اثرات کا جائزہ لینے کے لیے اعلیٰ سطح کا اجلاس بلایا گیا۔
تفصیلات کے مطابق اجلاس میں وزیراعظم عمران خان کے کامیاب دورہ امریکہ کے دوران امریکی صدر ڈونلڈ ٹرمپ کے خطے میں امن کے قیام کے ویژن اور دو طرفہ تعلقات پر بات چیت پر اطمینان کا اظہار کیا گیا۔
اجلاس میں وزیر خارجہ شاہ محمود قریشی، وزیر برائے ساحلی امور علی زیدی، پاک فوج کے سربراہ جنرل قمر جاوید باجوہ ، ڈی جی آئی ایس آئی ، علی جہانگیر صدیقی اور زلفی بخاری نے شرکت کی۔
یاد رہے کہ وزیر اعظم عمران خان نے ملٹری قیادت کے ہمراہ 21 سے 24 جو لائی تک امریکہ کا تین روزہ سرکاری دورہ کیا تھا جس میں انہوں نے امریکی صدر ڈونلڈ ٹرمپ سمیت دیگر امریکی عہدے داروں سے ملاقاتیں کی تھیں ۔
دفتر خارجہ نے وزیر اعظم کےدورہ امریکہ کو کامیاب ترین دورہ قرار دیتے ہوئے کہا تھا کہ 2015کے بعد امریکہ اور پاکستان کے درمیان یہ پہلا اعلیٰ سطحی رابطہ ہے ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News