سول ایوی ایشن (سی اے اے) حکام کی جانب سے ائیرپورٹس پرماحول کو بہتربنانے کااقدام اٹھالیاگیا،کراچی ائیرپورٹ پرپلاسٹک کی تھیلیوں (شاپنگ بیگز) پرمکمل پابندی لگادی گئی۔
تفصیلات کےمطابق سی اے اے حکام نے ماحولیاتی آلودگی کے سدباب اورسازگار ماحول کوتقویت بخشنے کیلئےپلاسٹک شاپرزکے استعمال پر مکمل طورپرپابندی لگادی ہے۔
سی اے اے حکام کاکہناہے کہ ائیرپورٹ شاپس پر پلاسٹک کی تھیلیوں کے استعمال پرپابندی سےمتعلق فوری عملدرآمد شروع کردیاگیا۔
سی اے اے حکام کاکہناہےکہ کراچی ائیرپورٹ کے بعد ملک کے تمام ہوائی اڈوں پرپلاسٹک کی تھیلیوں پر پابندی پرعملدرآمدہوگا۔
حکام کی جانب سےنوٹس جاری ہونےکےبعد ائیرپورٹ پرفوری طورپرپلاسٹک کی جگہ شاپس پرکپڑے کےتھیلوں کا استعمال شروع کردیاگیا۔
واضح رہے کہ پلاسٹک کےتھیلوں پرپابندی وفاقی حکومت کی جانب سے 14 اگست کے بعد سے اسلام آباد میں لگا دی گئی جس کے بعدپنجاب اورسندھ حکومت نے بھی پلاسٹک کے تھیلوں پر پابندی لگانےکااعلان کردیا۔ اس سلسلے میں وزیراعلی پنجاب عثمان بزدار نے اعلان کیاہے کہ آئندہ کابینہ کےاجلاس میں پلاسٹک کے تھیلوں پرپابندی کی منظوری لی جائیگی۔
وزیراعلیٰ کاکہناتھاکہ پنجاب میں وسیع پیمانے پر پودے لگائے جائیں گے، حکومت پنجاب شجرکاری کیلئے سرگرم ہے۔
عثمان احمد خان بزدار نے کہا کہ شجرکاری پروجیکٹ کیلئے خطیر رقم مختص کی گئی ہے،جنگلات میں اضافے کا ہدف پورا کریں گے، پاکستان کو سرسبز و شاداب بنائیں گے۔
ادھر سندھ حکومت کی جانب سےبھی پلاسٹک شاپرزپرپابندی لگانے کااعلان کیاگیاہے۔سندھ میں پابندی کا اطلاق رواں برس یکم اکتوبر سے ہوگا۔
وزیر اعلیٰ سندھ سید مراد علی شاہ نے کہا ہے کہ صوبے میں پلاسٹک کے تھیلوں کوبند کروانے کا عزم کرلیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News