سفارتی ذرائع کا کہنا ہے کہ وزیراعظم عمران خان 21 سے 28 ستمبر تک امریکا کا دورہ کریں گے۔
تفصیلات کے مطابق دورہ امریکا میں عمران خان اورصدر ٹرمپ میں غیر رسمی ملاقات کا امکان ہے جبکہ وہ 27 ستمبر کو جنرل اسمبلی سے بھی خطاب کریں گے۔
تفصیلات کے مطابق وزیراعظم عمران خان کے اقوام متحدہ جنرل اسمبلی کے اجلاس میں شرکت کے لیے دورہ امریکا کیلئے وزارت خارجہ حکام نے مصروفیات پر بریفنگ دی ہے۔
سفارتی ذرائع کا اس با رے میں کہنا ہے کہ وزیراعظم 21 سے 28 ستمبر تک امریکا کا دورہ کریں گےاور21 ستمبر کو کمرشل پرواز سے سعودی عرب سے نیویارک جائیں گے، جبکہ وزیراعظم دورہ امریکا میں پی آئی اے کےہوٹل روزویلٹ میں قیام کریں گے۔
دورہ امریکا کے دوران وزیر اعظم عمران خان اجلاس کی سائیڈ لائنز پر 15 سے زائد سربراہان سے بھی ملیں گے اور ترکی اور ملایئشیا کےسہ فریقی اجلاس میں بھی شرکت کریں گے۔
ذرائع کے مطابق عمران خان 24 ستمبر کو جنرل اسمبلی کے افتتاحی اجلاس میں شرکت کریں گے جبکہ عمران خان کا دورہ امریکا کے دوران پاکستانی کمیونٹی سے بھی خطاب کا امکان ہے۔
وزیراعظم 24 ستمبرکوامریکی صدرکےعشائیےمیں بھی شرکت کریں گے، عشائیےمیں عمران خان اورصدر ٹرمپ میں غیر رسمی ملاقات کا امکان ہے، وزیراعظم کی امریکی صدرڈونلڈ ٹرمپ سے تاحال باضابطہ ملاقات طے نہیں، باضابطہ ملاقات کے لئے سفارتی چینلز سے بات چیت کا سلسلہ جاری وساری ہے۔
وزیراعظم عمران خان27 ستمبرکوجنرل اسمبلی سےخطاب کریں گے ، خطاب پاکستانی وقت کے مطابق رات ساڑھے 8 سے رات 10 بجے کے درمیان ہوگا،اس خطاب میں عمران خان مقبوضہ کشمیرکی تازہ اور کشیدہ صورتحال پربات کریں گے اور حقائق سے دنیا کو آگا ہ کر ینگے۔
اطلا عات ہیں کہ وزیراعظم بل گیٹس سمیت کاروباری حضرات سےملاقاتیں بھی کریں گے اور ماحولیاتی تبدیلی، نفرت انگیز تقاریر کے انسداد کے سمٹ میں شرکت کریں گے، کم از کم 4 مواقع پر پاک بھارت وزرائےاعظم کے ایک جگہ موجود ہونے کے امکانا ت ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News