حریت رہنما یاسین ملک کی اہلیہ مشعال ملک نے کہا ہے کہ بھارتی فورسز کرونا کی آڑ میں کشمیریوں کی نسل کشی کر رہی ہے، اقوام متحدہ کشمیریوں کی نسل کشی رکوانے میں اپنا کردار ادا کرے۔
تفصیلات کے مطابق حریت رہنما یاسین ملک کی اہلیہ مشعال ملک نے میڈیا سے گفتگو کرتے ہوئے کہا کہ مقبوضہ کشمیر میں بھارتی فورسز نے سات کشمیری نوجوانوں کو شہید کر دیا۔
حریت رہنما یاسین ملک کی اہلیہ نے کہا کہ بھارتی فورسز نے کلگام میں گھروں کا محاصرہ کرکے نوجوانوں کو شہید کیا، گزشتہ 6 دنوں میں بھارتی فورسز نے 16 کشمیریوں نوجوانوں کو شہید کردیا۔
یاسین ملک کی اہلیہ مشعال ملک نے یہ بھی کہا کہ بھارتی فورسز مقبوضہ کشمیر میں خون کی ہولی کھیل رہی ہیں، اقوام متحدہ کشمیریوں کی نسل کشی رکوانے میں اپنا کردار ادا کرے۔
حریت رہنما یاسین ملک کی اہلیہ مشعال ملک نے مزید کہا کہ بھارتی فورسز کرونا وائرس کی آڑ میں کشمیریوں کی نسل کشی کررہی ہے، عالمی ادارہ صحت مقبوضہ کشمیر میں کرونا وائرس کی صورتحال کا جائزہ لے۔
عالمی تنظیمیں یاسین ملک کے حق میں آواز بلند کریں، مشعال ملک
واضح رہے اس سے قبل حریت رہنما یاسین ملک کی اہلیہ مشعال ملک نے اپنے بیان میں کہا تھا کہ مقبوضہ کشمیر کے بعد نریندر مودی نے بھارت میں بھی مسلمانوں کا جینا مشکل کر دیا۔
یاسین ملک کی اہلیہ نے یہ بھی کہا تھا کہ بھارت میں مساجد کو شہید کیا جا رہا ہے اور ہندوستان میں نہ صرف اقلیتوں کے ساتھ بدترین سلوک کیا جا رہا ہے بلکہ اقلیتوں کے خلاف باقاعدہ قانون سازی بھی ہو رہی ہے۔
مشعال ملک کا مزید کہنا تھا کہ یسین ملک کو قید تنہائی میں رکھا گیا ہے، تحریک کو کچلنے کے لیے یسین ملک کے تیس سال پرانے کیس کھولے جارہے ہیں جبکہ کل یسین ملک کو اسٹریچر اور ڈرپ لگا کر جج کے سامنے پیش کیا گیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News