پاکستان مسلم لیگ (ن) کے صدر اور قائد حزب اختلاف شہبازشریف نے کہا ہے کہ سفارتی و داخلی محاذ پر حکومتی ناکامی اور نااہلی عیاں ہے۔
تفصیلات کے مطابق پاکستان مسلم لیگ (ن) کے صدر اور قائد حزب اختلاف شہبازشریف کی کی زیر صدارت مشترکہ پارلیمانی پارٹی کا اجلاس ہوا ، اجلاس میں پارلیمنٹ کے مشترکہ اجلاس سے متعلق حکمت عملی پر غور کیا گیا۔
اجلاس میں مسلم لیگ (ن) کے صدر شہبازشریف نے کورونا سے صحت یابی پراراکین کا نیک تمناوں کا اظہار کیا۔
قائد حزب اختلاف شہبازشریف نے پارلیمانی پارٹی کے اجلاس سے خطاب کرتے ہوئے کہا کہ تاریخی کرپشن سکینڈلز پر حکومت کے کان پر جوں تک نہیں رینگی ۔
مودی پر انسانیت کے خلاف جرائم کا مقدمہ چلایا جائے، شہباز شریف
شہبازشریف نے یہ بھی کہا کہ کوروونا سے پہلے ہماری معیشت تباہ ہوچکی تھی ،کورونا وبا آنے سے پہلے ہی قومی معیشت ہچکولے کھارہی تھی۔
پاکستان مسلم لیگ (ن) کے صدر اور قائد حزب اختلاف شہبازشریف نے مزید کہا کہ عید سے پہلے عوام پر پٹرول کی قیمتوں میں اضافے کا بم گرایا گیا جبکہ فصل کٹتے ہی پہلے دن سے گندم غائب ہوگئی، ایسا ملکی تاریخ میں کبھی نہیں ہوا۔
اجلاس میں خواجہ محمد آصف، احسن اقبال، راجہ ظفر الحق ، رانا ثناء اللہ، سینیٹر آصف کرمانی، خرم دستگیر ، سینیٹر پرویز رشید، رانا تنویر، نزہت صادق سمیت اراکین قومی و سینیٹ شریک ہوئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News