نواز شریف کے شیر بڑی تعداد میں آ رہے ہیں ، مریم اورنگزیب

شبین رضا

16th Oct, 2020. 10:42 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نواز شریف کے شیر بڑی تعداد میں آ رہے ہیں ، مریم اورنگزیب

مسلم لیگی رہنما مریم اورنگزیب کا کہنا ہے کہ گوجرانوالہ جلسہ نااہل کرپٹ ٹولے کے خلاف فیصلہ کن ریفرنڈم ہوگا۔

تفصیلات کے مطابق ترجمان مسلم لیگ ن مریم اورنگزیب نے میڈیا سے گفتگو کرتے ہوئے کہا کہ رکاوٹیں کھڑی کی جا رہی ہیں، نواز شریف کے شیر بڑی تعداد میں آ رہے ہیں۔

انھوں نے بتا یا کہ ساری رات ادھر کارکن موجود تھے ، جلسہ کے حوالے سے تیاری جاری ہے، کامیاب جلسہ ہوگا۔

ترجمان مسلم لیگ ن نے کہا کہ پرچے درج کئے گئے، ڈرایا گیا، جب کچھ نہیں ہوا تو راستے بند کر دئیے ہیں، بہت مشکلات رکاوٹیں لگا کر روکا جا رہا ہے، لیکن رکاوٹیں عبور کرتے ہوئے نواز شریف کے شیر بڑی تعداد میں آ رہے ہیں۔

شبلی فراز صاحب سٹیڈیم رات کو ہی بھرنا شروع ! اپنا استیفیٰ لکھنا شروع کر دیں . اگر مشکل ہو تو استیفیٰ کا متن بھی مہیا کیا جا سکتا ہے @pmln_org @shiblifaraz pic.twitter.com/yV8NkYpINX
— Marriyum Aurangzeb (@Marriyum_A) October 15, 2020

مریم اورنگزیب نے اپنی ٹوئٹ میں لکھا کہ گزشتہ رات کو ہی پنڈال سج گیا، شبلی فراز اپنا استعفیٰ لکھنا شروع کر دیں، استعفیٰ کا متن بھی ہم دے دیں گے۔