گلگت بلتستان انتخابات ، مریم نواز دورہ مکمل کر کے اسلام آباد روانہ
مسلم لیگی رہنما مریم نواز گلگت بلتستان کا دورہ مکمل کر کے...
پاکستان پیپلز پارٹی کے رہنما مرتضیٰ وہاب نے کہا ہے کہ 15 نومبر کو گلگت بلتستان میں تیر کی فتح یقینی ہے،عوام حکمرانوں کے جھوٹے وعدوں سے اکتا گئے۔
تفصیلات کے مطابق ترجمان سندھ حکومت مرتضی وہاب نے پریس کانفرنس کر تے ہوئے کہا ہے کہ پاکستان پیپلز پارٹی کے چئیرمین بلاول بھٹو نے جگہ جگہ صرف عوامی مسائل کی بات کی، گلگت بلتستان الیکشن میں حکومتی مشینری استعمال کی جارہی ہے۔
انھوں نے کہا کہ گلگت بلتستانی عوام کے ردعمل سے نظر آ رہا ہے کہ وفاقی حکومت ناکام ہو چکی، عوام وعدے نہیں، مسائل کاحل چاہتے ہیں۔
ترجمان سندھ حکومت نے کہا کہ 35 روز میں مرغی کا گوشت 29 فیصد مہنگا ہوا، مہنگائی کے طوفان نے عوام کوجکڑ لیا ہے، عام آدمی بھی بلاول بھٹو زرداری کی بات سے اتفاق کر رہا ہے۔
مرتضی وہاب نے مزید کہا کہ غریب کی بات وزیراعظم نہیں، بلاول بھٹو کر رہے ہیں، پی ٹی ڈی سی کے ریزارٹس بند کرنیوالے بھی آج بیانات دے رہے ہیں، پوری وفاقی حکومت گلگت بلتستان الیکشن میں اتری ہوئی ہے۔
واضح رہے کہ پی ٹی آئی رہنما فیصل جاوید کا گلگت بلتستان میں مقبول ترین لیڈر کے بارے میں کہنا ہے کہ گلگت بلتستان میں مقبول ترین لیڈرعمران خان ہی ہیں ، پی ٹی آئی آرام سےالیکشن جیت جائے گی۔
ذرائع کے مطابق سینیٹر فیصل جاوید نے ایک نجی ٹی وی سے گفتگو کرتے ہوئے کہا گلگت بلتستان میں پی ٹی آئی آرام سےالیکشن جیت جائے گی، گیلپ سروےآیا، گلگت بلتستان میں مقبول ترین لیڈرعمران خان ہی ہیں۔
پی ٹی آئی رہنما کا کہنا تھا کہ دونوں جماعتیں گلگت بلتستان میں حکومت کرچکیں، کیا کچھ نہیں، گلگت بلتستان کےعوام ان دونوں جماعتوں پر اعتماد نہیں کرتے، یہ لوگ اکٹھے نہیں،نہ کوئی نظریہ ہے بس کرپشن بچانا مقصد ہے۔
فیصل جاوید نے مزید کہا کہ یہ لوگ جب بھی اکٹھےہوتےہیں ہمیں فائدہ ہوتاہے، ایک طرف کرپٹ ٹولہ دوسری طرف عمران خان ہیں، الیکشن مہم کوئی بھی چلائے گلگت بلتستان نے ووٹ عمران خان کو دینا ہے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News