عوامی رابطہ مہم ، مریم نواز کا خود میدان میں اترنے کا فیصلہ
مسلم لیگ نے 13 دسمبر کے لاہور جلسے سے قبل عوامی رابطہ...
مسلم لیگی رہنما مریم اورنگزیب کا کہنا ہے کہ مریم نواز لاہورجلسے کے لیے شہریوں کو براہ راست دعوت دیں گی۔
تفصیلات کے مطابق مسلم لیگ ن کی ترجمان مریم اورنگزیب کا کہنا ہےکہ مسلم لیگ ن کی نائب صدر مریم نواز آج لاہور کے شہریوں کو 13 دسمبرمینا ر پاکستان پر ہونے والے جلسے کی دعوت دینے کیلئے خود نکلیں گی۔
مریم اورنگزیب نے میڈیا سے بات کرتے ہوئے کہا کہ وزیر اعظم صرف تابعداری کریں اور کام نہ کریں تو عوام کا کیا حال ہو گا ؟ لیکن اگرعوامی مسائل کو حل نہیں کیا جا سکتا تو پھر تابعداری کا کیا فائدہ ؟
انھوں نے کہا کہ حکومت کے خلاف مہم شروع ہو چکی ہے اور مریم نواز آج لاہور میں ریلی کی قیادت کریں گی جبکہ مریم نواز 13 دسمبر جلسے کے لیے لاہور کے شہریوں سے بھی ملیں گی۔
رہنما مسلم لیگ ن نے کہا کہ سابق وزیراعظم نوازشریف کی صاحبزادی مریم نواز کی قیادت میں ریلی کے لیے استقبالیہ کیمپ لگائے گئے ہیں، ریلی قائد اعظم انٹر چینج سے شروع ہو گی۔
واضح رہےکہ مریم نوازآج جاتی امرا سے شہر کے دورے کےلیے نکلیں گی، وہ ہر یونین کونسل اور گلی محلوں میں جائیں گی اور کارنر میٹنگ سے خطاب بھی کرینگے۔
مسلم لیگ ن کی نائب صدر لاہور کے ہر ایم این اے اور ایم پی اے کے حلقے میں جائیں گی اور شہر بھر کے شہریوں کو 13 دسمبر کے جلسے میں شرکت کی دعوت دینگی۔
نائب صدر کے ساتھ ن لیگ کے اراکین پارلیمنٹ اور خواتین اراکین پارلیمنٹ بھی ہونگی۔
دورے کو عوامی رنگ دینے کےلیے مریم نواز لاہور کے معروف بازاروں میں بھی جائیں گی۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News