واپڈا کی طرف سے گرین یورو بانڈز کا اجراء کیا گیا ہے جس کی افتتاحی تقریب میں وزیراعظم بطور مہمان خصوصی شرکت کرینگے۔

تفصیلات کے مطابق سماجی رابطے کی ویب سائٹ پر اپنے ایک پیغام میں وزیر مملکت اطلاعات و نشریات فرخ حبیب نے یورو بانڈز کے اجراء کے حوالے سے بات  کی ہے۔

وزیراعظم عمران خان آج پاکستان کے پہلے گرین یورو (انڈس بانڈ) کا باضابطہ اجرا کریں گے
500 ملین ڈالر کی ضرورت کے مقابلے میں تین ارب ڈالر کے لگ بھگ آفرز آئی۔عالمی فنانس مارکیٹ میں گرین یورو بانڈ کی غیرمعمولی پذیرائی سے پاکستان میں بڑے منصوبوں کی فنانسنگ کے لئے نئی راہیں کھل گئی ہیں pic.twitter.com/lr7xtCzt8k

— Farrukh Habib (@FarrukhHabibISF) May 31, 2021

وزیر مملکت اطلاعات و نشریات فرخ حبیب نے کہا ہے کہ وزیراعظم عمران خان آج پاکستان کے پہلے گرین یورو (انڈس بانڈ) کا باضابطہ اجراء کریں گے۔

گرین یورو بانڈز کے اجراء کی تقریب آج وزیراعظم ہاؤس میں منعقد ہوگی جس میں وزیراعظم عمران خان تقریب سے خطاب بھی کریں گے۔

گرین یورو بانڈز:

گرین یورو (انڈس بانڈ) واپڈا کی جانب سے لندن اسٹاک ایکسچینج میں رواں ہفتے جاری کیا گیا ہے۔

گرین یورو (انڈس بانڈ) دیامر بھاشا اور مہمند ڈیم کی فنانسنگ کے لئے جاری کیا گیا ہے۔

گرین یورو بانڈ ریاستی ضمانت کے بجائے واپڈا کی مستحکم مالی پوزیشن کی بنیاد پر جاری کیا گیا ہے۔

عالمی فنانس مارکیٹ میں گرین یورو بانڈ کی غیرمعمولی پذیرائی سے پاکستان میں بڑے منصوبوں کی فنانسنگ کے لئے نئی راہیں کھل گئی ہیں کیونکہ اس کی مدد سے 500 ملین ڈالر کی ضرورت کے مقابلے میں تین ارب ڈالر کے لگ بھگ آفرز آئی ہیں۔