وزیراعظم شہباز شریف نے اینڈی برنہم کو برطانیہ کا وزیراعظم منتخب ہونے پر مبارکباد دیتے ہوئے ان کی کامیابی کے لیے نیک خواہشات کا اظہار کیا ہے۔
وزیراعظم شہباز شریف نے اپنے پیغام میں کہا کہ وہ اینڈی برنہم کی کامیابی کے لیے دعاگو ہیں اور امید کرتے ہیں کہ ان کی قیادت میں برطانیہ مزید ترقی کرے گا۔
وزیراعظم نے پاکستان اور برطانیہ کے درمیان دوستانہ، دیرینہ اور تاریخی تعلقات کو مزید مستحکم کرنے کے عزم کا اظہار کرتے ہوئے کہا کہ دونوں ممالک مل کر باہمی روابط کو نئی بلندیوں تک لے جائیں گے۔
شہباز شریف نے کہا کہ برطانیہ میں مقیم لاکھوں پاکستانی دونوں ممالک کے درمیان مضبوط اور روشن تعلقات کی عکاسی کرتے ہیں، جو دونوں ملکوں کے درمیان ایک اہم پل کا کردار ادا کر رہے ہیں۔
وزیراعظم نے خصوصاً تجارت اور سرمایہ کاری کے شعبوں میں پاکستان اور برطانیہ کے تعلقات کو مزید فروغ دینے کے عزم کا اعادہ کیا۔
انہوں نے کہا کہ پاکستان اور برطانیہ کے درمیان تعاون کے وسیع مواقع موجود ہیں اور دونوں ممالک مشترکہ کوششوں سے دوطرفہ تعلقات کو مزید مضبوط بنا سکتے ہیں۔
