سپارکو نے شوال 1447ھ کے چاند کے حوالے سے فلکیاتی اندازہ جاری کرتے ہوئے بتایا ہے کہ شوال کا نیا چاند 19 مارچ 2026 کو صبح 6 بج کر 23 منٹ پر پیدا ہوگا۔
سپارکو کے مطابق 19 مارچ کو غروبِ آفتاب کے وقت چاند کی عمر تقریباً 12 گھنٹے 41 منٹ ہوگی، جبکہ پاکستان کے ساحلی علاقوں میں غروبِ آفتاب اور غروبِ ماہتاب کے درمیان تقریباً 28 منٹ کا فرق متوقع ہے۔
ادارے کا کہنا ہے کہ ان فلکیاتی عوامل کے باعث 19 مارچ کی شام شوال کا چاند نظر آنے کے امکانات کم ہیں۔
سپارکو کے مطابق موجودہ اندازوں کے تحت پاکستان میں عیدالفطر بروز ہفتہ 21 مارچ 2026 کو ہونے کا امکان ہے۔
تاہم شوال کے چاند کی حتمی رویت اور اسلامی مہینے کے آغاز کا باضابطہ اعلان مرکزی رویت ہلال کمیٹی کرے گی، جو شہادتوں اور رویت کے بعد فیصلہ جاری کرتی ہے۔
