چین سے کورونا وائرس کی پیش نظر حفاظتی سامان کا پہلا جہاز کراچی ایئرپورٹ پہنچ چکا ہے جس کی تصدیق این ڈی ایم اے کی جانب سے کردی گئی ہے۔
ترجمان این ڈی ایم اے کے مطابق جہاز میں دس لاکھ فیس ماسک جن میں N95 ماسک بھی شامل ہیں لیکر پاکستان آیا ہے اور یہ سامان چینی حکومت طرف سے پاکستان دیا گیا ہے۔
چین سےخصوصی کارگو طیارہ ماسک اور حفاظتی سامان لیکرپاکستان پہنچ گیا، خصوصی کارگوطیارے نے کراچی ایئر پورٹ پرلینڈ کیا ، جس میں چینی کمپنیوں کی جانب سے حفاظتی ماسک اور دیگر سامان بھجوایا گیا۔
وزیراعلیٰ سندھ سید مراد علی شاہ نے کراچی ایئرپورٹ پہنچ کر چین سے آئےاین 95 ماسک کی کھیپ وصول کی، ترجمان وزیراعلیٰ سندھ کا کہنا ہے کہ یہ ماسک چین کی جانب سے عطیہ کئےگئے ہیں۔
دوسری جانب ترجمان این ڈی ایم اے نے کہا ہے کہ چین سے پہلا طیارہ سامان لیکرکراچی ایئر پورٹ پہنچا، سامان میں این95سمیت 10لاکھ فیس ماسک بھی اور 50ہزار ٹیسٹنگ کٹس بھی شامل ہیں۔
سندھ حکومت کے ترجمان مرتضیٰ وہاب نے 10 ہزارٹیسٹنگ کٹس کراچی پہنچنے پر چین کا شکریہ ادا کیا۔
یاد رہے چینی سفارتخانے کا کہنا تھا کہ حفاظتی ماسک،دیگر سامان چینی کمپنیوں کےتعاون سےبھجوائی جارہی ہیں، چین اچھےبرےحالات میں پاکستان کےساتھ ہے۔
واضح رہے کہ پاکستان میں بھی کورونا وائرس کی وبا تیزی سے پھیل رہی ہے اور متاثر افراد کی تعداد 1000 تک جا پہنچی ہے ، سب سے زیادہ کیسز صوبہ سندھ میں رپورٹ ہوئے جبکہ وائرس سے اب تک 7 افراد جاں بحق اور 14 مریض صحتیاب ہوچکے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News