عام طور پر اخروٹ کو دماغ تیز کرنے کے لئے کھایا جاتا ہے لیکن اس سے اور بھی کئی فائدے حاصل کیے جاسکتے ہیں، جن کے بارے میں اکثر لوگ نہیں جانتے۔
آج ہم آپ کو اپنی اس اسٹوری میں اخروت کے ان پوشیدہ فوائد کے بارے میں بتا رہے ہیں جنہیں جاننے کے بعد آپ نا صرف حیران رہ جائیں گے بلکہ وقت ضائع کیے بغیر ان طریقوں سے اخروٹ کا استعمال بھی کریں گے۔
’اخروٹ‘ کو اُبال کراستعمال کرنے کے فائدے:
اخروٹ کو پانی میں ڈال کر ابالنے سے آپ دو چیزیں بنا سکتے ہیں، ایک آپ کے بالوں کو سفید ہونے سے بچائے گی اور دوسری دانتوں کی تکلیف اور اس پر لگے چائے کافی وغیرہ کے نشان کو متانے کے کام آئے گی۔
طریقہ کار:
ایک دیگچی میں پانی ڈال کر اسے چولہے پر رکھ دیں، جب بلبلے بننے لگیں تو اس میں ثابت اخروٹ ڈال کر ابال لیں، اخروٹ کی جلد نرم ہونے لگے اس وقت چولہے کو بند کر کے اسے ٹھنڈا ہونے دیں۔
سفید بالوں کیلئے کیسے استعمال کریں؟
ابلے ہوئے اخروٹ کو چھان کر بچا ہوا پانی الگ کرلیں، پھر اسے ایک بوتل میں بھر کر رکھ لیں۔
جب بھی آپ اسے استعمال کرنا چاہیں تو اسے ایک چھوٹی پیالی میں نکال کر اس میں 1 چمچ تیل شامل کرکے ہلائیں اور بالوں میں لگا کر 1 سے 2 گھنٹے بعد سر دھو لیں۔
فائدہ
اس عمل کو ہفتے میں تین بار کریں، ایک مہینے میں ہی بالوں میں فرق نظر آئے گا۔
دانتوں کیلئے کیسے استعمال کریں؟
ابلے ہوئے اخروٹ کو چھیل کر اس کے چھلکے علیحدہ کر لیں، اب ان چھلکوں کو گرینڈر میں ڈال کر پیس لیں اور پھر چھلنی سے چھان کر اس کا باریک پاؤڈر الگ کر دیں۔
اس پاؤڈر کو صرف فریج میں رکھیں باہر یہ خراب ہوجائے گا اور جب بھی استعمال کرنا ہو تو اس کو تھوڑا سا ہاتھ میں لے کر دانتوں کو برش کرلیں
فائدہ
اس پاؤڈر کو دن میں دو بار استعمال کرنے سے آپ کے دانتوں کی تکلیف اور نشان دونوں غائب ہوجائیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News